Sherten & Machu Choezom 2021 - ༼ བྲོ་ར་ཁྲ་མོ། ༽ 锅庄起舞

 ཤེར་བསྟན་དང་རྨ་ཆུའི་ཆོས་འཛོམས་གཉིས་ཀྱི་གཞས་གསར། 

2021谢旦&玛曲·曲宗最新单曲 ''锅庄起舞''

བྲོ་ར་ཁྲ་མོ། 

གཞས་ཚིག དམངས་ཁྲོད།

གཞས་དབྱངས། དམངས་ཁྲོད།

ལེན་མཁན། ཤེར་བསྟན། ཆོས་འཛོམས།

ཁྱེད་ནི་གངས་སྟོད་མཐོན་པོ་ཡིན་སོང་། མཐོ་ལ་ས་གཅིག་ཡག

ང་ནི་སེང་གེ་དཀར་མོ་ཡིན་སོང་།

བྲོ་ར་བརྡུང་གཅིག་འགྲོ།

བྲོ་ར་ཁྲ་མོ་བཀྲ་ལ་ཤིས་པ་ཤོག

བྲོ་ར་ཁྲ་མོ་གཡང་ལ་ཆགས་པར་ཤོག

ཁྱེད་ནི་བྲག་སྟོད་མཐོན་པོ་ཡིན་སོང་། མཐོ་ལ་ས་གཅིག་ཡག

ང་ནི་ཐང་དཀར་རྒོད་པོ་ཡིན་སོང་།

བྲོ་ར་བརྡུང་གཅིག་འགྲོ།

བྲོ་ར་ཁྲ་མོ་བཀྲ་ལ་ཤིས་པར་ཤོག

བྲོ་ར་ཁྲ་མོ་གཡང་ལ་ཆགས་པར་ཤོག

ཁྱེད་ནི་བྲོ་སྟོད་མཐོན་པོ་ཡིན་སོང་། བྲོ་ལ་ས་གཅིག་ཡག

ང་ནི་བྲོ་བ་ལོ་ཆུང་ཡིན་སོང་།

བྲོ་ར་བརྡུང་གཅིག་འགྲོ།

བྲོ་ར་ཁྲ་མོ་བཀྲ་ལ་ཤིས་པར་ཤོག

བྲོ་ར་ཁྲ་མོ་གཡང་ལ་ཆགས་པར་ཤོག

Sherten & Tenzin Kunsang 2021 - | 唱起歌 谢旦 旦增贡桑

 ཤེར་བསྟན་དང་བསྟན་འཛིན་ཀུན་བཟང་གཉིས་ཀྱི་རྐྱང་གཞས་གཞས་གསར།

''唱起歌''  谢旦 旦增贡桑 2021

‎གླུ་ཞིག་ལེན།  

ཚིག གཙང་རིགས་སྐལ་བཟང་རྣམ་འདྲེན། 

དབྱངས། ཤེར་བསྟན་། 

ལེན་མཁན། ཤེར་བསྟན་། བསྟན་འཛིན་ཀུན་བཟང་།

ཟླ་གསུམ་པ་སང་ཉིན་ཚེས་གི་ཟེར། 

བྱ་ཁུ་ལོ་གནང་ཉིན་ཐོན་གི་ཟེར།

ཆར་སིལ་མའི་རྒྱུན་ཆད་མེད་གི་ཟེར། 

གཏམ་དེ་ཚོ་གོ་ན་སྐྱིད་ཅིག་རེད།

དར་དཀར་པོ་སང་ཉིན་འགྲོ་གི་ཟེར། 

མཚོ་ལྗང་ལོའི་ཁ་མདོག་དྭངས་གི་ཟེར།

དུང་དཀར་ལི་ལྷང་ལ་འབུད་གི་ཟེར། 

གཏམ་དེ་ཚོ་གོ་ན་སྐྱིད་ཅིག་རེད།

སྐྱིད་དེ་ཚོ་བསམ་ནས་གླུ་ཞིག་ལེན། 

དགུན་ལྷོ་སྤྲིན་སང་ཉིན་ཐོན་གི་ཟེར།

འབྲུག་ལྗང་ལོ་ནང་ན་ཡོད་གི་ཟེར། 

སྐད་སྙན་མོས་སྟོང་གསུམ་ཁྱབ་གི་ཟེར།

གཏམ་དེ་ཚོ་གོ་ན་སྐྱིད་ཅིག་རེད། 

སྐྱིད་ཉི་མ་སང་ཉིན་ཤར་གི་ཟེར། 

དྲིན་ཨ་མ་གནངས་ཉིན་བྱོན་གི་ཟེར། 

གསུང་སྙན་མོའི་དངོས་གྲུབ་གནང་གི་ཟེར། 

གཏམ་དེ་ཚོ་གོ་ན་སྐྱིད་ཅིག་རེད། 

སྐྱིད་དེ་ཚོ་བསམ་ནས་གླུ་ཞིག་ལེན།

Sherten & Dharkyi 2020 - འབྲོག་སྡེ་ཁྲ་མོའི་བརྩེ་གཞས། |牧野情歌 谢旦&巴赞达吉

 ཤེར་བསྟན་དང་འབའ་རྩ་དར་སྐྱིད་གཉིས་ཀྱི་གཞས་གསར།

2021谢旦&巴赞达吉新歌《牧野情歌》

འབྲོག་སྡེ་ཁྲ་མོའི་བརྩེ་གཞས།

ཚིག  གངས་རྒྱུད་ཐུབ་བསྟན་བཀྲ་ཤིས། 

དབྱངས། སྐར་མ།

ལེན་མཁན། ཤེར་བསྟན། དར་སྐྱིད། 

འབྲོག་སྡེ་ཁྲ་མོ་གླིང་གི།

རི་སིལ་འདྲ་བའི་བུ་མོ།།

མ་མཐུན་ལས་ཀྱི་ལན་པ།། 

མཐུན་ན་ཁ་ཞེ་གཉིས་མེད།།

གཞོན་ཆུང་སྣང་བའི་རྩེད་བྲོ།།  

རྨི་ལམ་ཐང་ནས་བརྒྱབ་དུས།།

ལས་དབང་གསེར་གྱི་ཞགས་ཐག།

འཐེན་ས་གཞོན་པ་ཁྱེད་ཡིན།།

དྲན་པའི་སྨུག་པ་དྭངས་དྭངས།།   

སྣང་བའི་འཇའ་རིས་ཤིགས་ཤིག  

གཞོན་ཆུང་འདུན་མའི་རྩེ་རུ།། 

རང་དབང་ཉི་མ་ཤར་ཤར།།

གཞོན་ཆུང་འདུན་མའི་རྩེ་རུ།།    

རང་དབང་ཉི་མ་ཤར་ཤར།།

ལས་འབྲས་ཤོག་དཀར་ངོས་ལ།།

དམ་བཅའི་རི་མོ་བྲིས་ན།།

མཛའ་གཅུགས་བློ་ཡི་གཤོག་པ།།

བསྐལ་བའི་ཕ་མཐར་བསྐྱངས་ཆོག།

ཁྱིམ་གཅིག་གཡང་ལ་འཛོམས་པའི།།

གཡང་གི་བདག་པོ་ཆ་གཅིག།

སྐྱིད་སྣང་གླུ་རུ་དྲངས་ན།།

སྐར་མའི་སྐྱོ་སྣང་ཡལ་འགྲོ།

ཟུར་མིག་སྐར་མདའ་ཆེམས་ཆེམ།།

འཛུམ་པའི་སོ་ཕྲེང་མཛེས་མཛེས།།

འབྲོག་སྡེ་ཁྲ་མོའི་ཤོད་དུ།།

བདེ་སྐྱིད་མཚོ་མོ་འཁྱིལ་འཁྱིལ།།

Sherten and Khawa Dhondup 2020

 ༢༠༢ལོའི་ཤེར་བསྟན་དང་ཁ་བ་དོན་འགྲུབ་གཉིས་ཀྱི་གཞས་གསར།

谢旦&卡哇东智最新单曲 ''金山之家''2020

རི་གསེར་ལྡན་ཚང་།

ཚིག གངས་རྒྱུད་ཐུབ་བསྟན་བཀྲ་ཤིས།

དབྱངས།   བློ་གསལ།

ལེན་མཁན།  ཤེར་བསྟན། ཁ་བ་དོན་འགྲུབ།

རི་གསེར་ལྡན་ཡག་གི་གོང་ཁ་ནས།།

ལུག་གཡང་དཀར་འབའ་སྒྲ་སྤྲིན་ལ་འདྲེས།།

ལུག་འཚོ་སྐྱོང་ཡག་གི་རྫི་བོ་འདིའི།།

ལས་བསམ་དོན་འགྲུབ་པའི་ཁ་གཡང་འབོད།།

རི་གསེར་ལྡན་ཡག་མོའི་སྤང་དཀྱིལ་ནས།།

འབྲི་རྒྱ་རྒྱ་རོག་རོག་རླུང་ལ་འདྲེས།།

འབྲི་ཐུལ་དཀར་བཞོ་བའི་སྨན་ཆུང་འདིའི།།

གནས་ལམ་ཁ་དཀར་བའི་སྨོན་ཚིག་འབུལ།།

རི་གསེར་ལྡན་ཡག་མོའི་སྤང་ཐང་ནས།།

རྟ་སྔོ་སྔོའི་བང་རྩལ་རྡུལ་ལ་འདྲེས།།

རྟ་འདོ་བ་ཞོན་པའི་སྟག་ཤར་འདིའི།།

ལས་རླུང་རྟ་དར་བའི་ཀྭི་བསོ་སྒྲོགས།།

རི་གསེར་ལྡན་སྐྱིད་པའི་གཡང་ཁྱིམ་ནས།།

དྲིན་ཕ་མའི་བློ་སེམས་ཆོས་ལ་འདྲེས།།

ལག་ཙན་ཏན་ཕྲེང་བའི་རྒྱན་ཤོམ་འདིའི།།

གཞི་འཚོ་བ་རྟག་པའི་ཁ་རྒྱན་ཡོད།།

རི་གསེར་ལྡན་ཡག་གི་སྡེ་གྲོང་ནས།།

བུ་ཚ་བོ་སྐད་དང་ཡི་གེར་འདྲེས།།

ལག་སྨྱུག་ཆུང་འཛིན་པའི་གཅེས་ཕྲུག་འདིའི།།

ལས་ལམ་ཁ་ཡངས་པའི་སྨོན་ལམ་འདེབས།།

Sherten 2020 谢旦新歌

2020 谢旦新歌《我们永远在路上》

ང་ཚོ་ནམ་ཡང་ལམ་དུ་ཆས་ཡོད། ཚིག  
ཁྲི་སེམས་དཔའ། བཙན་བུ། དབྱངས་དང་རོལ་མོ། གླིང་རྒྱལ་འཆི་མེད་ཚེ་རིང་། 
ལེན་མཁན། ཤེར་བསྟན།

Sherten's new song ''We are always on the way'' 2020

ང་ཚོ་ནམ་ཡང་ལམ་དུ་ཆས་ཡོད།

ཚིག  ཁྲི་སེམས་དཔའ། བཙན་བུ།

དབྱངས་དང་རོལ་མོ། གླིང་རྒྱལ་འཆི་མེད་ཚེ་རིང་།

ལེན་མཁན། ཤེར་བསྟན།

རླུང་བུ་ལྡང་རུང༏ ཆར་བ་བབས་རུང་། ང་ཚོ་ནམ་ཡང་ཁྱོད་དང་མཉམ་དུ་ཡོད།

ཁྱོད་ཀྱི་བདེ་སྡུག་བསམས་ནས་ཡོང་། ཁྱོད་ཀྱི་དགའ་སྐྱོ་དྲན་ནས་ཡོང་།

ང་ཡི་གངས་རི། ང་ཡི་རྩྭ་ཐང༏ མི་ཚེའི་ལམ་བུ་མདུན་དུ་བསྲིངས་ཡོད།

འགན་འཁྲི་དེ་ཕྲག་ཏུ་ཁུར་ནས། ཕུགས་བསམ་དེ་ཡིད་ལ་བཅངས་ནས་ཡོད།

ང་ཚོ་མཐོན་པོ་སྒང་ལ་འགོས་མྱོང་། ང་ཚོ་དམའ་མོ་གཞོང་ལ་བབས་མྱོང་།

ལོ་དང་ཟླ་བའི་འཕེལ་འགྲིབ། ང་ཚོས་སྨྱུག་རྩེར་འདྲེན་བཞིན།

ང་ཚོ་ནམ་ཡང་ལམ་དུ་ཡོད། ང་ཚོ་ནམ་ཡང་ལམ་དུ་ཆས་ཡོད།

ཁ་བ་བབས་རུང༏ གྲང་ངར་ཆེ་རུང་། ང་ཚོ་ནམ་ཡང་ཁྱོད་དང་མཉམ་དུ་ཡོད།

ཁྱོད་ཀྱི་བདེ་སྡུག་བསམས་ནས་ཡོང་། ཁྱོད་ཀྱི་དགའ་སྐྱོ་དྲན་ནས་ཡོང་།

ང་ཡི་ཕ་ཡུལ། ང་ཡི་སྤུན་ཟླ། ལང་ཚོའི་གཤོག་པ་རྒྱང་དུ་བརྐྱངས་ཡོད།

བདེ་སྡུག་དེ་སེམས་ལ་རུམ་ནས། ཡིད་ཆེས་དེ་ཁོག་ལ་བཅུག་ནས་ཡོད།

ང་ཚོ་ཡངས་པའི་རྩྭ་ཐང་འགྲིམས་མྱོང་། ང་ཚོ་གཙང་པོའི་རབ་ཁ་བརྒལ་མྱོང་།

ཉིན་དང་མཚན་གྱི་ཁ་མདོག ང་ཚོས་བརྙན་དུ་ཕབ་བཞིན།

ང་ཚོ་ནམ་ཡང་ལམ་དུ་ཡོད། ང་ཚོ་ནམ་ཡང་ལམ་དུ་ཆས་ཡོད།

Tsewang Lhamo sherten etc བུ་དཔའ་བོའི་ཕ་ས།

 བུ་དཔའ་བོའི་ཕ་ས། སྨན་མཛེས་མའི་འཁྲུངས་གཞིས།

ཚིག འཇུ་སྐལ་བཟང་། དབྱངས། མགོ་ལོག་རྒྱལ་མཚན། 

ལེན་མཁན། ཤེར་བསྟན། ཚེ་དབང་ལྷ་མོ། རྒྱལ་མཚན། ཁ་བའི་མེ་ཏོག་ཚན་སྡེབ།

བུ་དཔའ་བོའི་ཕ་ས། སྨན་མཛེས་མའི་འཁྲུངས་གཞིས།

ཚིག འཇུ་སྐལ་བཟང་།

དབྱངས། མགོ་ལོག་རྒྱལ་མཚན།

ལེན་མཁན། ཤེར་བསྟན། ཚེ་དབང་ལྷ་མོ། རྒྱལ་མཚན། ཁ་བའི་མེ་ཏོག་ཚན་སྡེབ། 

ཨ་མྱེས་རྨ་ཆེན་གཉན་པོ་གཡུ་རྩེ།

ཡུལ་ལྷ་ཡི་དབུ་འཕངས་གཞན་ལས་མཐོ་ས། 

ཨེ་མ། དཔའ་སྡེ་ཁྲ་མོ།

རླུང་རྟ་དང་ཁ་བས་རི་རྩེ་གཡོགས་ས། 

གཞི་བདག་གཉན་པོའི་ཕ་སྐད་ཉན་བཞིན། 

དུས་རབས་ཀྱི་རི་ལུང་ཧང་འགྲོས་ཀྱིས་བཅད།

རྫ་ཆེ་བཙན་གྱི་རྩེ་ན་མེ་ཞགས་འཚུབ་ས། 

རི་འཕན་ཕྱུག་གི་མགོ་ལ་སྤྲིན་པ་འཁོར་ས། 

ལོ་རྒྱུས་ཀྱི་སྤྲིན་རུམ་ན་གློག་དམར་འཁྱུག་ས། 

འཛམ་གླིང་ལ་ཁའི་བདག་པོ།

བུ་རྟ་ལྕགས་ནག་གི་སེར་བ།

རྒོད་སྒྲོ་ཅན་གྱི་ཉག་ཕྲན།

བློ་ལྡན་འཆར་ཁའི་ཉི་ཟེར།

ཐང་ཤིང་ཡལ་འདབ་རྒྱས་པའི་ཁོ་ལག

སྡེ་ཁྲ་བོའི་དཀྱིལ་གྱི་སྙིང་བཅུད།

རྒྱབ་རྟེན་རྡོ་རྗེའི་བྲག་རི།

ཁྱོད་ནམ་ཡང་རྟག་གི་སྨོན་ལམ།

ཁྱོད་ནམ་ཡང་རྟག་གི་སྨོན་ལམ།

གེ་སར་རྒྱལ་པོ་སེང་ལྕམ་འབྲུག་མོ། 

དཔའ་རྒོད་ཀྱི་ང་རོས་འཛམ་གླིང་གཡོ་ས།

ཨེ་མ། ཕྱུག་སྡེ་ཁྲ་མོ།

མཛེས་མ་ཡི་གྲགས་པས་ས་སྟེང་ཁྱབ་ས།

སྐར་ཚོགས་ཁྲ་མོའི་གཞས་དབྱངས་ཉན་བཞིན།

ལྷས་འདབས་ཀྱི་སྨུག་སྤྲིན་རྫི་གླུ་ཡིས་འཚོ།

ལུག་གཡང་དཀར་གྱི་སེར་བ་རི་ལ་འཐོར་ས། 

ནོར་ནག་ཆུང་གི་གྲིབ་སོ་ཤོད་ལ་ལྷུང་ས།

འབྱོར་ཕྱུག་གི་འཚོ་བ་ལ་སྦྲང་རྩི་ཆགས་ས།

སྐྲ་ལན་ཚར་ཅན་གྱི་བུ་མོ།

ན་ཆུང་གསེར་ལོ་གཡུ་ལོ། 

སྐྱེ་ལོ་པད་མའི་ལྗོན་པ། 

མེ་ཏོག་ཟིལ་བ་འཐུང་བའི་ཁུ་བྱུག

ལྷས་གྲུ་བཞིའི་དཀྱིལ་གྱི་བ་དན།

བདེ་སྐྱིད་འོ་མའི་ཁ་ཞགས།

ཁྱོད་ཡང་ཡང་སྐྱིད་པའི་སྨོན་ལམ། 

ཁྱོད་ཡང་ཡང་སྐྱིད་པའི་སྨོན་ལམ། 

谢旦VS索南曲 Sherten & Sonam Choedon 2020

 Sherten & Sonam Choedon  new song '' Gorshe Danser ''

ཤེར་བསྟན།བསོད་ནམས་ཆོས་སྒྲོན༼སྐོར་བ་བྲོ་ཡིས་བརྒྱབ་སོང་།༽ ༢༠༢༠

谢旦VS索南曲珍新歌《锅庄起舞》

སྐོར་བ་བྲོ་ཡིས་བརྒྱབ་སོང་།

ཚིག གངས་རྒྱུད་ཐུབ་བསྟན་བཀྲ་ཤིས།

དབྱངས། མགར་བསམ་འགྲུབ་ཚེ་རིང་།

ལེན་མཁན། ཤེར་བསྟན། བསོད་ནམས་ཆོས་སྒྲོན།

ན་ཁ་མེ་ཏོག་ཐང་ལ་མོ་གཞོན། ཨ་རེ། འཛོམས་སོང་།

འཛོམས་པ་ལན་གཅིག། བྲོ་རེ་ཡག་མོ། བྱུང་སོང་།

འཛུམ་གྱི་པདྨོ་ཡག་ཡག ངག་གི་འགྱུར་ཁུག། བསོ་ལོ་ལོ།

བྱུ་རུའི་ཐོད་ཕྲེང་ལྡེམ་ལྡེམ། ལུས་ཀྱི་སྟངས་སྟབས། སེའེ་ལེ་ལེ།

སྐེད་པ་དྲིལ་ཆུང་གཡུག་གཡུག་སོར་མོའི་མེ་ཏོག་ནི་ལྡེམ་སེར་ལྡེམ།

བསོ་་་་་སྐོར་བ་བྲོ་ཡིས་བརྒྱབ་སོང་། མགྲིན་པའི་སྙན་དབྱངས། བསོ་ལོ་ལོ

བསོ་ཡ་ལ་་་་་་་་་་གོས་ཆེན་འདབ་མ། སེའེ་ལེ་ལེ། ཨ་ལ།  སེའེ་ལེ་ལེ།

ན་ཁ་མེ་ཏོག་ཐང་ལ་ཕོ་གཞོན། ཨ་རེ། འཛོམས་སོང་།

འཛོམས་པ་ལན་གཅིག། བྲོ་རེ་ཡག་མོ། བྱུང་སོང་།

དཔུང་བའི་རི་བོ་ཡག་ཡག བྲོ་གཞས་སྙན་མོ། བསོ་ལོ་ལོ།

རྐང་པའི་ཀ་བ་བཙུགས་ནས། སོག་པ་ལེབ་མོ། སེའེ་ལེ་ལེ།

ལག་པ་གློག་ཞགས་འཁྱུག་འཁྱུག་སྐྲ་ཡི་འདབ་མ་ནི་ལྡེམ་སེར་ལྡེམ།

བསོ་་་་་་སྐོར་བ་བྲོ་ཡིས་བརྒྱབ་སོང་། ལྷན་འཛོམས་དགོད་སྒྲ། བསོ་ལོ་ལོ།

བསོ་ཡ་ལ་་་་་་་ལུས་ཀྱི་ལྡེམ་མྱུར། སེའེ་ལེ་ལེ། ཨ་ལ། སེའེ་ལེ་ལེ།

རྩྭ་ཐང་གདན་ལ་བཏིང་ནས་ང་ཚོ། ཨ་རེ། འཛོམས་སོང་།

འཛོམས་པ་ལན་གཅིག། བྲོ་རེ་ཡག་མོ། བྱུང་སོང་།

འཇའ་ཡི་གུར་ཁང་ཡག་ཡག ཁུ་ལོའི་གསུངས་སྐད།བསོ་ལོ་ལོ།

དགའ་བ་དགོད་སྒྲའི་ཁྲོད་ནས། མེ་ཕུང་སྐོར་བྲོ། སེའེ་ལེ་ལེ།

ཟླ་བའི་འོད་གོར་གསལ་གསལ་སྐར་མའི་རུ་དཔུང་ནི་ཁྲ་ལམ་མེར།

བསོ། སྐོར་བ་བྲོ་ཡིས་བརྒྱབ་སོང་། བྲོ་གཞས་སྙན་མོ། བསོ་ལོ་ལོ།

བསོ་ཡ་ལ་་་་་་་་བྲོ་ར་ཡག་པོ། སེའེ་ལེ་ལེ།

ཨ་ལ། སེའེ་ལེ་ལེ།

Sherten 谢旦 《赞歌梵天妙乐》

 ཤེར་བསྟན་གྱི་གཞས་གསར།༼བསྟོད་ཚིག་ལྷའི་རོལ་མོ།༽ ༢༠༢༠

Sherten's new mv song 2020 

2020 谢旦最新单曲《赞歌梵天妙乐》

བསྟོད་ཚིག་ལྷའི་རོལ་མོ།

ཚིག མཁན་སྤྲུལ་བསྟན་པའི་རྒྱལ་མཚན། 

དབྱངས། ཤེར་བསྟན།ལེན་མཁན། ཤེར་བསྟན།

ངག༵་གི་དབང༵་ཕྱུག་ངུར་སྨྲིག་གར།། ཚེ་དབང་རིག་འཛིན་སྤྲུལ་བའི་སྐུ།།

པདྨ༵་ནོར༵་བུའི༵་མཚན་མཆོག་ཅན།། དྲུག་འགྱུར་ངག་གི་གླུ་ཡིས་བསྟོད།།

དམ་པས་ལུང་གི་མེ་ཏོག་འཐོར།། གསེར་གྱི་ཁྲི་ལ་མངའ་གསོལ་བྱས།།

ཁྱེད་ཀྱི་རྣམ་དཀར་འཁོར་ལོ་ཀུན།། བསྔགས་པར་འོས་སོ་སྤྲུལ་བའི་སྐུ།།

ཨེ་ཝྃ་དཔལ་གྱི་ལྡིང་ཁང་དུ།། དུས་ཀྱི་འཁོར་ལོའི་བློས་བསླངས་ཀྱི།།

དྲུག་བརྒྱ་སོ་དྲུག་ལྷ་ཚོགས་བཞེངས།། དེ་ལ་བསྟོད་པ་དབྱངས་ཀྱིས་མཆོད།།

མདོ་སྔགས་བསྟན་པའི་ཞིང་ས་རུ།། མཁས་གྲུབ་བརྒྱ་ཕྲག་གདན་དྲངས་ཏེ།།

ཇོ་ནང་ཀུན་ཕན་ལྷན་འཚོགས་ཀྱིས།། བསྟན་འགྲོར་བྱ་ར་བྱེད་པས་བསྟོད།།

འདུ་ཁང་བདེ་ཆེན་ཕོ་བྲང་ཡང་།། རྒྱ་ཕིབས་གསེར་གྱི་གཉྫིར་བཅས།།

རྣམ་རྒྱལ་ལྷ་ཡི་ཁང་བཟང་བཞིན།། བསྐྱར་དུ་བཞེངས་ལ་ལྷག་ཏུ་བསྟོད།།

ཡབ་རྗེ་བླ་མའི་འདས་མཆོད་དུ།། རྟག་པར་ཐེབས་རྩ་ཕུལ་བའི་དགེ།

བྱ་དཀའི་སྤྱོད་པ་འབུམ་ཕྲག་ལས།། དགེ་ཚོགས་བླ་ན་མེད་པས་བསྟོད།།

འཕགས་ཡུལ་བྱང་ཆུབ་ཤིང་དྲུང་དུ།། རྡོར་གདན་སྨོན་ལམ་འཚོགས་པ་ཡི།།

མཛད་འཕྲིན་སྣང་བའི་ཉིན་བྱེད་ཀྱིས།། རྒྱལ་བསྟན་རྒྱས་པར་མཛད་ལ་བསྟོད།།

བལ་བོའི་རྫོགས་ལྡན་སྨོན་ལམ་གྱི།། ལྷར་བཅས་འགྲོ་བའི་ཞིང་སར་ཡང་།།

གཏོང་ཕོད་ཡངས་བའི་ཕྱག་ཟུང་གིས།། བསྟན་པའི་མཐུན་རྐྱེན་བསྩལ་ལ་བསྟོད།།

ལུང་རིགས་སྨྲ་བའི་ཐོས་པ་བའི།། རྩོད་པའི་རྒྱལ་རྔ་ལྡིར་བའི་གནས།།

ཆོས་ར་ལྔ་རིག་ཐར་འདོད་གླིང་།། བསྟན་པའི་ལྕགས་རི་བསྐྲུན་ལ་བསྟོད།།

གཞན་སྟོང་བགྲོ་གླེང་བཅུ་གསུམ་པར།། མཁས་དབང་སྟོང་ཕྲག་དུ་མའི་སྡེས།།

རྒྱལ་བསྟན་སྦྱིན་བདག་ཆེན་མོ་ཞེས།། ཆེ་བའི་གཟེངས་རྟགས་ཕུལ་ལ་བསྟོད།།

གདན་ས་ཆེན་པོ་ལུང་སྐྱ་འདིར།། ཀུན་མཁྱེན་ཆེན་པོའི་རང་ལུགས་ཀྱི།།

མཐོང་གྲོལ་ཆེན་མོ་བཞེངས་འཆར་གྱི།། མཛད་པ་ཆེན་པོ་བསྔགས་བྱའི་ཕུལ།།

བསྟོད་པ་དོན་མཐུན་མཛད་པ་ལེགས།། བཞེད་པ་ཀུན་འགྲུབ་བསོད་ནམས་ཆེ།།

ཆོས་ནོར་ཆར་འབེབ་ཡིད་བཞིན་ནོར།། གདུལ་བྱའི་མགོན་དུ་བརྟན་གྱུར་ཅིག།

མཚན་དང་སྙན་པའི་གྲགས་པ་འབར།། འཁོར་དང་ལོངས་སྤྱོད་ཟླ་ལྟར་འཕེལ།།

མཛད་ཕྲིན་འཁོར་ལོས་ས་གསུམ་ཁྱབ།། དོན་གཉིས་ལྷུན་འགྲུབ་བཀྲ་ཤིས་ཤོག།

Samdup Tsering & Sherten 谢旦和三智才让 2020

ཤེར་བསྟན་དང་བསམ་འགྲུབ་ཚེ་རིང་། ༼ ‎སྙིང་གི་ནོར་བུ། ༽ ༢༠༢༠

གཞས་ཚིག སྨན་བླ་སྐྱབས། གཞས་གདངས། འཇམ་དབྱངས་བསྟན་འཛིན།

གཞས་པ། ཤེར་བསྟན། མགར་བསམ་འགྲུབ་ཚེ་རིང་། 

谢旦和三智才让最新合唱《心肝宝贝》

སྙིང་གི་ནོར་བུ།

ཚིག སྨན་བླ་སྐྱབས།

དབྱངས། འཇམ་དབྱངས་བསྟན་འཛིན།

གཞས་པ། ཤེར་བསྟན། བསམ་འགྲུབ་ཚེ་རིང་།

ཆར་པ་འབབ་ན་བོབས་ཤོག

ཐིགས་ཆུ་འཐིག་ན་ཐིགས་ཤོག

སྙིང་སྡུག་ནོར་བུའི་གདོང་གི

མིག་ཆུ་འཐོར་བ་མ་རེད།

ཨོ་་་་་་སྙིང་སྡུག་སྙིང་གི་ནོར་བུ།

ནོར་བུའི་གདོང་གི་ནོར་བུ།   

འཐོར་ན་སེར་སྣ་ཆེ་བ།

སྙིང་གི་ནོར་བུ།

སྤྲིན་པ་ལངས་ན་ལོངས་ཤོག

སྨུན་པ་འཐིབ་ན་ཐིབས་ཤོག

སྙིང་སྡུག་ནོར་བུའི་སྙིང་ལ།

སྨྲེང་པ་འཐིབ་པ་མ་རེད།

ཨོ་་་་་་སྙིང་སྡུག་སྙིང་གི་ནོར་བུ།

སྙིང་སྡུག་སྙིང་ལ་སྨྲེང་པ།  

འཐོར་ན་སེར་སྣ་ཆེ་བ།

སྙིང་གི་ནོར་བུ།

Sherten ཤེར་བསྟན། 谢旦 「红科校歌」2020

谢旦最新单曲「红科校歌」2020

ཤེར་བསྟན་གྱི་གཞས་གསར། སློབ་གཞས་ཞོགས་པའི་ཉི་ཟེར།

ཚིག  འཇུ་སྐལ་བཟང་གིས་བརྩམས། གདངས།   གླིང་རྒྱལ་འཆི་མེད་ཚེ་རིང་།

Sherten's new single '' School Song '’

སློབ་གཞས་ཞོགས་པའི་ཉི་ཟེར།

གཞས་ཚིག  འཇུ་སྐལ་བཟང་གིས་བརྩམས། 

གཞས་གདངས།   གླིང་རྒྱལ་འཆི་མེད་ཚེ་རིང་།

གཞས་པ།   ཤེར་བསྟན།

ཡར་འགྲོ་ཡར་འགྲོ་རི་རྒྱུད་མཐོན་པོ་གངས་ལ་ཐུག་ས། 

མེས་པོའི་གཏམ་རྒྱུད་གངས་རི་གཞན་ལས་རྒྱང་ཤོམ་ཆེ་ས།

ཕེབས་དང་ཕེབས་དང་སྙི་ཀླུང་རིང་མོ་རྒྱང་དུ་ཕེབས་དང་།

ང་ཚོའི་ཕུགས་འདུན་རྒྱང་ནས་རྒྱང་དུ་འཁྱེར་བ་གནངས་དང་།

སྲིབ་རི་ཁུ་བྱུག་གག་ས། འོམ་བུའི་མེ་ཏོག་ཤར་ས།

མ་ཡུམ་སློབ་གྲྭའི་ར་བ། ང་ཚོས་དབྱངས་གསལ་གྱེར་ས།

དགའ་ཡ་རེའི། གནས་དེ་ན། དགའ་ཡ་རེའི།

ནོར་བུའི་ཐང་མ་བརྡལ་ཡོད། མིག་ལ་འོད་སྣང་འཁྱིལ་ཡོད།

བློ་ལྷག་བསམ་དགེ་བའི་སློབ་ནན།

འདང་བརྩེ་བ་འཁྱིལ་སའི་གནས་མལ། 

སེམས་སྣང་བ་སྐྱིད་སའི་སློབ་ར། ཁྱོད་རྟག་ཏུ་ཁ་དྲོ་བཀྲ་ཤིས།

ཡར་འགྲོ་ཡར་འགྲོ་རི་རྒྱུད་མཐོན་པོ་གངས་ལ་ཐུག་ས།

མེས་པོའི་གཏམ་རྒྱུད་གངས་རི་གཞན་ལས་རྒྱང་ཤོམ་ཆེ་ས།

ཕེབས་དང་ཕེབས་དང་སྙི་ཀླུང་རིང་མོ་རྒྱང་དུ་ཕེབས་དང་།

ང་ཚོའི་ཕུགས་འདུན་རྒྱང་ནས་རྒྱང་དུ་འཁྱེར་བ་གནངས་དང་།

ལྷོ་སྤྲིན་བྱང་སྤྲིན་འདྲེས་ས། ནོར་ལུག་རི་ཐང་གང་ས།

མ་ཡུམ་སློབ་གྲྭའི་ར་བ། ང་ཚོའི་རང་ཁྱིམ་གཉིས་པ།

དགའ་ཡ་རེའི། ས་དེ་ནས་དགའ་ཡ་རེའི།

ནོར་བུ་རུམ་ལ་བཅུག་ཡོད། མཆིལ་མ་གསེར་དུ༏ང་ཡོད།

བློ་རིག་པའི་གཤོག་ངང་བངངས་ནས།

ང་མདུན་ནས་མདུན་དུ་སྐྱོད་ན།

ངའི་སློབ་རའི་དབྱངས་གསལ་སྙན་མོ།

ཁྱོད་ཡུན་ནས་ཡུན་དུ་གྱེར་དགོས།

谢旦&才让东珠新歌 - 骏马 ''The Steed''

谢旦&才让东珠新歌 ''骏马'' 2020

ཤེར་བསྟན་དང་ཚེ་རིང་དོན་གྲུབ་ཀྱི་གཞས་གསར། འདོ་རིག་རྟ།

Sherten & Tsering Dhondup's new MV song ''Fare Horse''

འདོ་རིག་རྟ།

ཚིག གངས་དཔལ།
དབྱངས། ཚེ་རིང་དོན་གྲུབ།
ལེན་མཁན། ཤེར་བསྟན། ཚེ་རིང་དོན་གྲུབ། 

འདོ་རིག་རྟ་ཕོའི་ལུས་ལ། དཔྲལ་འཛུམ་ནོར་བུ་དགའ་འཁྱིལ།
མགྲིན་འཛུམ་ཉི་ཟླ་ཁ་སྤྲོད། གསེར་སྲབ་སྐར་མ་སྟོང་ཤར།།
ཡུ་མོའི་མགོ་རྣས་བཀུག་ཡོད། འདོ་རིག་རྟ་ཕོ།
གསེར་སྲབ་སྐར་མ་སྟོང་ཤར། ཡུ་མོའི་མགོ་རྣས་བཀུག་ཡོད།

འདོ་རིག་རྟ་ཕོའི་ལུས་ལ། སྤུ་རིས་འཇམ་ཤ་འཁྱུག་འཁྱུག།
རྔ་རྔོག་སྨུག་སྤྲིན་ལང་ལོང་། གསེར་སྒ་མེ་རི་རང་འཁྱིལ།
གངས་སེང་གཟུགས་ཀྱིས་བཀུག་ཡོད། འདོ་རིག་རྟ་ཕོ།
གསེར་སྒ་མེ་རི་རང་འཁྱིལ། གངས་སེང་གཟུགས་ཀྱིས་བཀུག་ཡོད།

འདོ་རིག་རྟ་ཕོའི་ལུས་ལ། རྨིག་པ་དངུལ་གྱི་ཚེས་རིས།
བང་ཁ་རླུང་གི་གཤོག་པ། སྟག་ཤར་སྣང་འགྲོའི་སེམས་པ།
ཁྱུང་ཆེན་རྩལ་གྱིས་བཀུག་ཡོད། འདོ་རིག་རྟ་ཕོ།
སྐྱིད་ཀྱི་འཁོར་གསུམ་སྲུང་རོགས། སྡུག་གི་ཁྲབ་ཆེན་འཁུར་རོགས།

Sherten & Lhamo Kyab 2020 - ༼ཡར་སྐུལ།༽ I 谢旦 拉毛加 [ 向善 ]

谢旦和拉毛加最新合唱单曲  [ 向善 ]

ཤེར་བསྟན་དང་ལྷ་མོ་སྐྱབས་གཉིས་ཀྱི་གཞས་གསར། ༼ཡར་སྐུལ།༽ ༢༠༢༠

Sherten & Lhamo Kyab  new MV song 2020

༼ ཡར་སྐུལ། ༽ 

གཞས་ཚིག   སྨུག་ཐོགས་འཁྱམ་པོ།
གཞས་གདངས།    ལྷ་མོ་སྐྱབས།
གཞས་པ།    ཤེར་བསྟན།  ལྷ་མོ་སྐྱབས།

བོད་མཐོ་སྒང་གོ་ལའི་གཙུག་རྒྱན་འདིའི།
གནས་རང་བྱུང་འཁོར་ཡུག་བདག་གཅེས་མཛོད།
ས་གོ་ལའི་སྐྱེ་འགྲོའི་བདེ་སྡུག་དང་།
འབྲེལ་དམ་ཟབ་ཡོད་དོ་སྙིང་ཉེ་ཚོ།
ཕྱིའི་འཇིག་རྟེན་ཕུན་སུམ་ཚོགས་ན་ཡང་།
ནང་ཞི་བདེ་སེམས་ཁམས་མི་བདེ་ན།
ཁོང་བླ་མའི་ཅི་གསུང་སྒྲུབ་ཤོག་དང་།
ཁྱིམ་ཆུང་ཆུང་དྲོད་ཀྱིས་ཁེངས་ཡོང་ངོ་།

རྒྱུ་ལོངས་སྤྱོད་དབང་ཆ་ལྡན་ནའང་།
ཁྲེལ་ངོ་ཚའི་ཉེས་སྤྱོད་ཡང་དུ་སོམས།
རང་རང་གི་མགོན་སྐྱབས་རིན་པོ་ཆེ།
ནང་ཐོས་པའི་སྒྲོན་མེ་སྤོར་ལ་རེམས།
སྤྲིན་ནག་པོ་ལྷུན་གྲུབ་ལྷེམ་པ་མིན།
ནམ་རང་བཞིན་གསལ་བ་ཆོས་ཉིད་ཡིན།
ཁྱེད་སྤུན་ཟླའི་སྲོལ་རྒྱུན་མ་དོར་ཟུངས།
ནམ་གོ་ལའི་ཁྱོན་ནས་བརྒལ་ངེས་ཡིན།

Sherten 谢旦 ཤེར་བསྟན། 2020

谢旦最新歌曲《众生怙主曲排嘉措法种王》2020

འགྲོ་མགོན་ཆོས་འཕགས་རིགས་ལྡན་རྒྱལ་བའི་སྲས།

ཤེར་བསྟན། ༢༠༢༠

འགྲོ་མགོན་ཆོས་འཕགས་རིགས་ལྡན་རྒྱལ་བའི་སྲས། 

ཚིག ཡོན་ཏན་རིན་ཆེན། དབྱངས། ཤེར་བསྟན།

ལེན་མཁན། ཤེར་བསྟན།

མདོ་སྨད་ལྷོ་རྒྱུད་དཔལ་ལྡན་འཛམ་ཐང་ན།
རིགས་ལྡན་སྤྲུལ་སྐུ་ཡོན་ཏན་བཟང་པོ་ཡི།
དབུ་མ་གདོང་ལྔའི་ང་རོ་འཆད་པའི་ཚེ།
འགྲོ་མགོན་ཁྱེད་ཉིད་ཞལ་ཟིན་སློབ་བུ་ཞིག

སྒྲུབ་བརྒྱུད་གཟིམས་ཁང་བདེ་ལྡན་ཕོ་བྲང་དུ།
ཇོ་ནང་སྐྱབས་མགོན་འཇིགས་མེད་རྡོ་རྗེ་ཡི།
སྨིན་བྱེད་གདམས་པའི་མདུད་རྒྱ་གྲོལ་དུས་འདིར།
འགྲོ་མགོན་ཁྱེན་ནི་ཐུགས་ཀྱི་སྲས་མཆོག་ཞིག

ཡོན་ཏན་དཔངས་དེ་རྡུལ་བཞིན་བརྩེག་གྱུར་ན།
ས་ཆེན་འདིས་ཀྱང་འདེགས་པར་མི་གྱུར་བས།
རིགས་ལྡན་སྐྱེ་ཕྲེང་ལྡན་པའི་སྤྲུལ་པའི་སྐུ།
འགྲོ་མགོན་ཆོས་འཕགས་རིགས་ལྡན་རྒྱལ་བའི་སྲས།

བསགས་པའི་ཚོགས་ལ་སྣོད་ཅིག་མཆིས་གྱུར་ན།
སྟོང་གསུམ་སྣོད་དུ་བྱས་ཀྱང་ཆུང་གྱུར་བའི།
དཔག་མེད་ཚོགས་གཉིས་བསགས་པའི་སྤྲུལ་བའི་སྐུ།
འགྲོ་མགོན་ཆོས་འཕགས་རིགས་ལྡན་རྒྱལ་བའི་སྲས།

རྟོགས་པའི་ཆོས་དེ་ལྗགས་ཀྱིས་དགྲོལ་གྱུར་ན།
ལྷ་ཆེན་ཚངས་པའི་ལྗགས་ཀྱང་ངལ་གྱུར་བའི།
སྦྱོར་དྲུག་རྟོགས་པ་ཐོབ་པའི་སློབ་དཔོན་གང་།
འགྲོ་མགོན་ཆོས་འཕགས་རིགས་ལྡན་རྒྱལ་བའི་སྲས།

Sherten 2020 གླུ་ཨ་ལ།

ཤེར་བསྟན་གྱི་གནམ་ལོ་གསར་པའི་གླུ་གཞས།༼གླུ་ཨ་ལ།༽

谢旦藏历年新歌《乐阿拉》

Sherten new mv song '' Lu Alha lha ''

གླུ་ཨ་ལ།

ཚིག དམངས་ཁྲོད།
དབྱངས། ཤེར་བསྟན།
ལེན་མཁན། ཤེར་བསྟན།

ང་བུ་ཆུང་གངས་རིའི་འདབས་ནས་ཡོང་། གངས་དེ་ཚོ་རྨ་རྒྱལ་སྤོམ་ར་ཡིན།
གངས་དེ་ནི་ང་ཡི་བླ་རི་ཡིན། གླུ་ཨ་ལ་ལ་མོ་ཨ་ལ་ལེན།

ང་བུ་ཆུང་གཙང་པོའི་འགྲམ་ནས་ཡོང་། ཆུ་གཙང་པོ་རྨ་ཆུ་ལི་མ་ཡིན།
རྨ་ལི་མ་ང་ཡི་མཆོད་ཆུ་ཡིན། གླུ་ཨ་ལ་ལ་མོ་ཨ་ལ་ལེན།

ཨ་ལ་ལ་མོ་ལེན། ཐ་ལ་ལ་མོ་ལེན། ཨ་ལ་ལ་མོ། ཐ་ལ་ལ་མོ་ལེན།
གླུ་ཨ་ལ་ལ་མོ་ཨ་ལ་ལེན།

ང་བུ་ཆུང་བྱང་ཕྱོགས་འབྲོག་ནས་ཡོང་། འབྲོག་སྤང་ལྗོངས་ང་ཡི་ཕ་ས་ཡིན།
རྟ་ནོར་ལུག་གཡང་གི་སྒོ་ཟོག་ཡིན། གླུ་ཐ་ལ་ལ་མོ་ཐ་ལ་ལེན།

ང་བུ་ཆུང་སྦྲ་ནག་ཁྱིམ་ནས་ཡོང་། ཁ་ཟས་མཆོག་སྦྲང་དཀར་རྩམ་པ་ཡིན།
དྲིན་མ་ལོའི་ལག་ཟས་དྲོན་མོ་ཡིན། གླུ་ཐ་ལ་ཐ་ལ་ཐ་ལ་ལེན།

ཨ་ལ་ལ་མོ་ལེན། ཐ་ལ་ལ་མོ་ལེན། ཨ་ལ་ལ་མོ། ཐ་ལ་ལ་མོ་ལེན།
 གླུ་ཨ་ལ་ལ་མོ་ཨ་ལ་ལེན།

ང་བུ་ཆུང་སྲིད་པ་བོད་ནས་ཡོང་། བོད་སྲིད་པའི་ལྷ་ཆོས་སངས་རྒྱས་ཡིན།
ཆོས་སངས་རྒྱས་ནང་པའི་ཞི་བདེ་ཡིན། གླུ་ཨ་ལ་ཐ་ལ་ལ་མོ་ཡིན།

ང་བུ་ཆུང་སྒང་བ་བོད་ནས་ཡོང་། བོད་མི་ཆོས་དམ་པའི་སྲོལ་བཟང་ཡིན།
སྲོལ་གཙང་མ་གསེར་ནག་ཐིགས་ལེ་ཡིན། གླུ་ཨ་ལ་ཐ་ལ་ལ་མ་ལེན།

ཨ་ལ་ལ་མོ་ལེན། ཐ་ལ་ལ་མོ་ལེན། ཨ་ལ་ལ་མོ། ཐ་ལ་ལ་མོ་ལེན།
གླུ་ཨ་ལ་ལ་མོ་ཨ་ལ་ལེན།

Sherten and Petso 2020

谢旦和班措新歌 2020《越来越幸福》

༢༠༢༠གཞས་གསར།《མ་སེམས་ཅན་སྐལ་བ་ཇེ་ཡག་རེད།》

2020 New MV  song from Sherten & Petso

མ་སེམས་ཅན་སྐལ་བ་ཇེ་ཡག་རེད།
ཚིག དམངས་ཁྲོད། དབྱངས། པདྨ།
ལེན་མཁན། ཤེར་བསྟན་དང་པད་མཚོ།

ཕ་ཨ་ཁུའི་ལོ་རུས་འབྲུག་ལོ་རེད། འབྲུག་ལོ་རེ་བསྡད་ཀི་ཇེ་གྲགས་རེད།

ཆར་ལོ་རེ་བསྡད་ཀི་ཇེ་མང་རེད། མ་སེམས་ཅན་སྐལ་བ་ཇེ་ཡག་རེད། 

སྤུན་ན་ཟླའི་ལོ་རུས་སྟག་ལོ་རེད། སྟག་ལོ་རེ་བསྡད་ཀི་ཇེ་བཙན་རེད།

རྒྱབ་གོར་མོའི་ཐིག་ལེ་ཇེ་ཡག་རེད། བུ་དཔའ་བོའི་དཔལ་རྩལ་ཇེ་རྒྱས་རེད། 

མ་བུ་མོའི་ལོ་རུས་ལུག་ལོ་རེད། ལུག་ལོ་རེ་བསྡད་ཀི་ཇེ་འཕེལ་རེད།
བལ་ལོ་རེ་བསྡད་ཀི་ཇེ་མཐུག་རེད། རྒྱུ་སྟོབས་འབྱོར་མངའ་ཐང་ཇེ་རྒྱས་རེད།

藏族歌手巴赞·达吉首张个人专辑《美》

གཞས་མ་འབའ་རྩ་དར་སྐྱིད་ཆེས་ཐོག་མའི་ཆེད་སྒྲིག
藏族歌手南措 巴赞·达吉首张个人专辑《美》

Tibetan singer Namtso Patse Darkyi's first solo album "Beauty"

མི་ཚེའི་དབྱངས་རྟ།
གཞས་ཚིག གློ་དམར།
དབྱངས:བསོད་ནམས་རིན་ཆེན
གཞས་མ:གནམ་མཚོ་དང་དར་སྐྱིད།

མི་ཚེའི་ལམ་ཕྲན་ཀྱ་ཀྱུ་གཙང་བོ་འདྲ།
གཙང་བོའི་ངོགས་ན་ང་ཡི་ལང་ཚོ་ཡོད།
རི་དང་ལ་མོ་ག་ཙམ་བརྒལ་ན་ཡང༏
ང་ཡི་འདུན་པ་ད་དུང་རྒྱང་ན་ཡོད།
ཧེ། ཧོ། མི་ཚེའི་དབྱངས་རྟ།
དཀའ་སྡུག་གི་རྔུལ་ཆུའི་ཐིགས་པ།
ནང་སེམས་ཀྱི་སྟེང་ལ་འཐོར་འགྲོ།

སེམས་ཀྱི་འདུན་པ་ཞོགས་པའི་ཉི་རྩེ་འདྲ།
ཉི་རྩེའི་གསེབ་ན་ང་ཡི་སྙིང་རུས་ཡོད།
གེགས་དང་བར་ཆད་ཅི་ཙམ་བྱུང་ན་ཡང༏
སེམས་ཀྱི་འདུན་པ་སྔར་བཞིན་དྭངས་གཙང་ཡིན།
ཧེ། ཧོ། མི་ཚེའི་དབྱངས་རྟ།
ལྷོད་མེད་ཀྱི་གོམ་ཆུང་གསེབ་ལ།
ན་ཟུག་གི་རི་མོ་བབ་འདུག།

དགའ་སྐྱོ་གང་བྱུང་སྔོན་མའི་ལས་ཀྱིས་བྱས།
སེམས་འདུན་གང་འགྲུབ་ད་ལྟའི་རང་ལ་ཐུག།
བསླུ་མེད་དཀོན་མཆོག་གསུམ་གྱི་ཐུགས་རྗེས་གཟིགས།
གོམ་ཆུང་ག་ལེར་མདུན་ནས་མདུན་དུ་སྤོ།
ཧེ། ཧོ། མི་ཚེའི་དབྱངས་རྟ།
ཚེ་སྲོག་གི་བྲག་རི་བརྟན་ཤོག།
ཕུགས་འདུན་གྱི་གཙང་བོ་རིང་ཤོག།

谢旦新歌 | 母校校歌 2019

གཞས་གསར།༽མ་ཡུམ་སློབ་གྲྭའི་འཁྲུངས་གླུ། ཤེར་བསྟན། 

谢旦新歌 | 母校校歌 2019

Sherten's new simgle '' Mother School ssong ''

མ་ཡུམ་སློབ་གྲྭའི་འཁྲུངས་གླུ།
ཚིག དཔལ་འབར།
ལེན་མཁན། གླུ་རྒྱལ་ཤེར་བསྟན། 

དགུ་གསུམ་དུས་ཚེས་བཟང་པོའི་ཉིན་མོ་འདི།
ཀུན་ཕན་བརྩེ་སྐྱོང་གླིང་གི་འཁྲུངས་སྐར་ཡིན།
རྟགས་དང་རྟེན་འབྲེལ་སྟོང་གི་རེ་ཁཱ་ལྷན།
རྨ་ཡུལ་དགའ་བའི་གནས་སུ་ལྷུན་གྱིས་ཆགས།
ཆུང་ཆུང་བྱིས་པའི་རྨི་ལམ་འདི་ནས་འཚོལ།
བདེ་སྐྱིད་འཚོ་བའི་མཚོ་མོ་འདི་རུ་འཁྱིལ།
མ་འོངས་འདུན་མའི་རེ་སྙེགས་འདི་ནས་བྱེད།
མ་ཡུམ་སློབ་གླིང་ང་ཚོའི་ཡུམ་ཆེན་ཡིན།

ཀ་ཁ་ག་ངའི་དབྱངས་རྟ་འདི་ནས་གྱེར།
སྣ་ཚོགས་གཞུང་གི་སྒོ་མོ་འདི་ནས་ཕྱེ།
འཛམ་གླིང་རིག་པའི་ཁ་ཕྱོགས་འདི་ནས་འཚོལ།
མ་ཡུམ་སློབ་གླིང་ང་ཚོའི་ཡུམ་ཆེན་ཡིན།
ཕ་སྐད་གཙང་མའི་ཚེ་སྲོག་འདི་ནས་གསོ།
བོད་ཆས་དག་མའི་སྲོལ་བཟང་འདི་ན་ཡོད།
རིས་མེད་བྱམས་དང་སྙིང་རྗེའི་འོད་ཟེར་འཕྲོ།
མ་ཡུམ་སློབ་གླིང་ང་ཚོའི་ཡུམ་ཆེན་ཡིན།

དགེ་རྒན་དམ་པའི་སློབ་སྟོན་རྣ་ལ་སྙན།
མཐུན་འགྲིག་སློབ་གྲོགས་ཕ་མའི་སྤུན་མཆེད་འདྲ།
ང་ཚོ་ཚང་མ་ཁྱིམ་ཚང་གཅིག་གི་ཡིན།
མ་ཡུམ་སློབ་གླིང་ང་ཚོའི་ཡུམ་ཆེན་ཡིན།
གཅེས་པའི་མ་ཡུམ་སློབ་གླིང་སྐྱེས་སྐར་བཟང་།
ཁྱེད་ཀྱི་མཛད་འཕྲིན་ནམ་མཁར་མཉམ་གྱུར་ཅིག།
དགའ་བའི་མ་ཡུམ་སློབ་གླིང་སྐྱེས་སྐར་བཟང་།
ཁྱེད་ཀྱི་སྐུ་ཚེ་ཁྲི་ལོ་ཁྲི་ལོར་ཤོག།

谢旦 ཤེར་བསྟན། Sherten 2019

Don't forget your mother's kindness - Sherten
别忘妈妈的恩情| 谢旦 2019
ཨ་མའི་དྲིན་ལན་མ་བརྗེད། ཤེར་བསྟན།

ཨ་མའི་དྲིན་ལན་མ་བརྗེད།
ཚིག  རིག་འཛིན་ཧཱུྃ་ཀར་རྡོ་རྗེ།
ལེན་མཁན། གཡུ་རྩེའི་བུ་རྒྱུད་ཤེར་བསྟན།

ལུས་ལང་ཚོའི་འཁྲི་ཤིང་གསར་བ། ལོ་ཉི་ཤུའི་ནམ་ཟླའི་དཔལ་དུ།
འཁྱུག་ལྡེམ་ལྡེམ་གོམ་པའི་གར་སྟབས། ཁྱོད་གཞོན་དར་འཛོམས་པའི་ཉིན་མོ།
ལོ་བདུན་ཅུ་བརྒྱད་ཅུའི་ལམ་དུ། ལུས་ཇེ་ལྗིད་གོམ་ཁ་ཇེ་དལ།
འགྲོ་འདུག་བསམ་རང་དབང་ཆུང་དུས། དྲིན་མ་ལོ་གཉོར་ཚད་ཡིན་ནོ། 

ངོ་དྭངས་མོའི་པད་འདབ་གསར་བ། ལོ་ཉི་ཤུའི་སྤང་ཐང་ཁྲ་མོར།
མདངས་འཛུམ་དཀར་པདྨའི་རོལ་གར། ཁྱོད་མཛེས་དར་འཛོམས་པའི་ཉིན་མོ།
ལོ་ཡར་ཡར་ཡར་ལ་སོང་ནས། གདོང་ངོ་ལྤགས་གཉེར་མ་རུག་རུག
ལུས་དབང་པོ་རྒུད་པས་མནར་དུས། དྲིན་ཨ་མ་སྙོར་རན་ཡིན་ནོ། 

སྐྲ་ནག་འཇམ་བཀྲག་ལ་འཚེར་བ། ལུས་ལྷུ་དྲུག་སྡོང་རྩེར་བསྐྱོད་ཅིང་།
རྐང་ཡན་ལག་ལྕུག་ཕྲན་རྩེ་གར། ཁྱོད་དར་ལ་བབ་པའི་ཉིན་མོ།
དུས་ནམ་ཟླ་སོང་བའི་ཁྲོད་དུ། སྐྲ་སེ་སྔོན་ཟ་ངེ་ཟིང་ངེ་།
ཡག་མོ་སྒོ་ཉམས་པའི་དུས་སུ། དྲིན་ཨ་མ་གཅེས་སྐྱོང་རན་ནོ། 

བློ་དབང་པོ་གསལ་ལ་རྣོ་བ། ངག་སྨྲ་ལྕེ་དྲན་པ་མྱུར་དུས།
སེམས་སྙིང་སྟོབས་བྱམས་བརྩེའི་གཡོ་གར།
ཁྱོད་གཞོན་སྐྱིད་འཛོམས་པའི་ཉིན་མོ།
ལུས་ན་རྒ་འགྲིམ་པའི་ལོ་ཟླར།
སེམས་འཐབ་འཐིབ་སྨྲ་ལྕེ་དབ་དུབ།
ལུས་ཡིད་དབང་རྒུད་པས་ཁྱེར་དུས།
དྲིན་ཨ་མའི་སྐྱིད་སྡུག་གཟིགས་རོགས།

谢旦和泽旺拉姆合唱 2019

ཤེར་བསྟན་དང་ཚེ་དབང་ལྷ་མོའི་མཉམ་ལེན། བཀྲ་ཤིས་ཤོག 

谢旦和泽旺拉姆合唱 | 扎西秀 

Sherten and Tsewang Lhamo new song '' Tashi Shok '' 2019

谢旦VS索南曲珍新歌《美的耗影》

ཤེར་བསྟན་དང་བསོད་ནམས་ཆོས་སྒྲོན་གཉིས་ཀྱི་གཞས་གསར། ༼སྨོན་ལམ་བཟང་པོ།༽ 2019 
ཚིག ཨ་སྐུ་སྲས། དབྱངས། བློ་གསལ།  ལེན་མཁན། ཤེར་བསྟན།  བསོད་ནམས་ཆོས་སྒྲོན།
Sherten & Sonam Choedon  new song '' Beautiful Consumption ''