Wangdol Tso དབང་སྒྲོན་མཚོ། 旺卓措 2020 - འོད་ཀྱི་ལམ་བུ། I 高原正能量 Amdo TV

旺卓措最新单曲《索当》2020

旺卓措最新单曲《索当》2020 

དབང་སྒྲོན་མཚོའི་གཞས་གསར། ༼ཟོ་དང༏༽ ༢༠༢༠

2020 Wangdol Tso 's new single '' Sotang '' 

ཟོ་དང་།

གཞས་ཚིག   བསོད་བཀྲ
གཞས་གདངས།  བསོད་བཀྲ
གཞས་མ།   དབང་སྒྲོན་མཚོ། 

ཨ་ལོང་ལ་མོ། ངས་ཡང་ལོང་ལེན། ངའི་ལག་གི་གསོལ་ཇ་འདིར་སྟོད་གླུ་ཞིག་ལེན།
ཨ་ལོང་ལ་མོ། ངས་ཡང་གཅིག་ལེན། བོད་པ་ཚོས་འདིའི་མིང་ལ་ཟོ་དང་ཇ་ཟེར།
ཁ་ལ་ཞིམ་པོ་ཡོད། ཨེ་་་ ཁོག་ལ་བདེ་མོ་ཡོད།  ཨེ་་་
འདི་ནི་གངས་ཆབ་ཀྱི་ཉིང་བཅུད་ཡིན་རེད། རྒྱང་རིང་མགྲོན་པོ། ཁྱོས་ག་ལེར་བཞེས།
ཁྱོས་བཞེས་བ་ལྷག་བསམ་གྱི་འོ་ཆུ་རེད།

ཨ་ལོང་ལ་མོ། ངས་ཡང་ལོང་ལེན། ཡང་གཅིག་ལ་མོ། ངས་ཡང་ལོང་ལེན།

ཨ་ལོང་ལ་མོ། ངས་ཡང་ལོང་ལེན། ངས་ཟོ་དང་བོད་ཇ་ལ་སྟོད་གླུ་ཞིག་ལེན།
ཁ་ལ་ཞིམ་པོ་ཡོད། ཨེ་་་  ཁོག་ལ་བདེ་མོ་ཡོད།  ཨེ་་་
འདི་ནི་ངེད་ཅག་གིས་གདམ་གསེས་ཡིན་རེད།
ལས་མཐུན་གྲོགས་པོ། ཁྱོས་ག་ལེར་བཞེས།
ཁྱོས་བཞེས་བ་ངེད་ཅག་གི་མཛའ་བརྩེ་རེད།
ཨ་ལོང་ལ་མོ། ངས་ཡང་ལོང་ལེན། ཡང་གཅིག་ལ་མོ།
ངས་ཡང་ལོང་ལེན། སྐད་ཀྱི་ཐོག་མ་ཟོ་དང་ཡིན།
ཞིང་གི་ཐོག་མ་ཟོ་དང་ཡིན། དེང་རབས་བོད་ཇ་ཟོ་དང་ཡིན།
ཁྱེད་ལ་ཕུལ་བའི་ལག་སྐྱེས་ཡིན། ག་ལེར་བཞེས་རོགས།
ཁྱེད་ཀྱིས་ག་ལེར་བཞེས་རོགས། ཁྱེད་ལ་བཀྲ་ཤིས་བདེ་ལེགས་ཤོག
ག་ལེར་བཞེས་རོགས། ཁྱེད་ཀྱིས་ག་ལེར་བཞེས་རོགས། ཁྱེད་ལ་ནད་མེད་ཚེ་རིང་ཤོག

索扎 / 旺卓措 Sota & Wangdol Tso 2019

Sota & Wangdol Tso new song '' Words ''  2019

索扎&旺卓措 新单《WORDS》

བསོད་བཀྲ་དང་དབང་སྒྲོལ་མཚོའི་གཞས་གསར། ༼གཏམ༽ ༢༠༡༩

༼གཏམ༽
ཚིག་དང་དབྱངས། བསོད་བཀྲ།
ལེན་མཁན། བསོད་བཀྲ་དང་དབང་སྒྲོལ་མཚོ། 

ང་གང་ལ་སོང་རུང་། ང་གང་ནས་བསྡད་རུང་།
ཁྱེད་ཀྱིས་བཤད་པའི་སྐད་ཆ་སེམས་ལ་ཉར་ནས་ཡོད།
གནམ་སྔོན་པོ་རྡིབ་རུང་། སའི་གོ་ལ་འཇིག་རུང་།
ཁྱེད་ཀྱིས་བཤད་པའི་སྐད་ཆ་སེམས་ལ་ཉར་ནས་ཡོད།

ང་རང་ཁྱོད་དང་འདྲ་བར་ལོ་ན་གཞོན་དུས།
ང་རང་ཁྱོད་དང་འདྲ་བར་རེ་བ་ཡོད་དུས།
ང་རང་ཁྱོད་དང་འདྲ་བར་སྙིང་སྟོབས་འཛོམས་དུས།
ང་རྒྱལ་གྱི་མགོ་འཕང་ཏེ་སུས་བལྟས་ཀྱང་མཐོ་རེད།
མི་དགའ་བའི་མི་དག་ལ་བཅོས་མ་ཡི་འཛུམ་སྟོན།

ཁ་ཡག་གི་ཁ་ཡག་ལ་ང་སྔ་མོ་ནས་སུན་སོང་།

མི་ལ་ལ་ཞིག་གིས་ང་ལ་འབྲེལ་བ་གཅོད་དགོས་ཟེར།
དོན་ལ་ལ་ཞིག་གིས་ང་སྡུག་བསྔལ་བྱེད་དགོས་ཟེར།
དེ་བས་ང་འགྲོ་སའི་ལམ་ཁ་ན་རླུང་བསེར་བུ་ཅི་འདྲ་རྒོད་རུང་།
ངས་དཀའ་ཁག་ལ་བརྩི་གི་མེད།
ངའི་གླུ་གཞས་ལ་དགའ་མི་དགའ་ཅི་འདྲ་ཡོད་རུང་།

ངས་དགའ་འམ་ཞེས་འདྲི་གི་མེད།

འབྲེལ་མེད་ཀྱི་མི། དགོས་མེད་ཀྱི་གཏམ།

ཁྱོད་ཚོའི་ཐེངས་བརྒྱ་ལ་གཙེས་རུང་ངས་ཨ་ཚ་མི་ཟེར།
ད་ང་ནར་སོན་ཡོད། ང་ལ་སྙིང་སྟོབས་ཡོད།
ད་ང་མུན་ནག་གི་ཀླུང་ནས་ཀྱང་འགྲོ་རོགས་མི་དགོས།

ང་གང་ལ་སོང་རུང་། ང་གང་ནས་བསྡད་རུང་།
ཁྱེད་ཀྱིས་བཤད་པའི་སྐད་ཆ་སེམས་ལ་ཉར་ནས་ཡོད།
གནམ་སྔོན་པོ་རྡིབ་རུང་། སའི་གོ་ལ་འཇིག་རུང་།
ཁྱེད་ཀྱིས་བཤད་པའི་སྐད་ཆ་སེམས་ལ་ཉར་ནས་ཡོད།
ད་དེ་འདྲ་རེད་ཤོག ད་དེ་འདྲ་ཅེས་ཤོག
ཁྱེད་ཀྱིས་བཤད་པའི་སྐད་ཆ་སེམས་ལ་ཉར་ནས་ཡོད།

ང་རང་འཇིག་རྟེན་ཁམས་ལ་ལྟད་མོར་འགྲོ།
མྱི་ལ་ལ་ཞིག་ལ་གད་མོ་བྲོ། ཁ་ཆེ་རུང་སྣ་ཡི་འོག་རེད།
དགོས་མི་དགོས་བཤད་ན་འདྲེ་རེད།
དེ་དག་ཁ་ཡ་མེད་བྱེད་གི་མེད་ལ་སྤུ་ཙམ་ཡང་སྐྲག་གི་མེད།
ཨ་ཕ་ལ་གཏམ་རྒྱུད་མང་། ཉམས་མྱོང་དེ་ང་ལ་གནང་།

ཁོ་ང་ལ་རེ་བས་ཁེངས། 

དམའ་ས་ནས་མཐོ་ས་ལ་བསྙེག་པར་ངའི་ལང་ཚོ་བསྟིམ་དགོས་ཟེར།

ཉམས་མྱོང་ཡོད་རུང་མེད་རུང་ངས་གཞན་ལ་སློབ་སྦྱོང་བྱེད་དགོས་ཟེར།
མདུན་ཕྱོགས་ན་ལམ་ཡོད་རུང་མེད་རུང་རང་གིས་ཚོར་བས་དེ་འཚོལ་དགོས་ཟེར།
རེ་དོག་གིས་མེ་ལོང་ནང་ལ་ཡང་ཡང་བལྟ་དུས།
འགོར་འདུག་ཡོད་རུང་།
སྡོང་རྒན་ཞིག་གི་རྩ་ན་རི་བོང་ལ་སྒུག་པའི་ཁྱོད་རྨི་ལམ་ཡོད་ན་ད་མ་འདུག།
ཕུགས་བསམ་ཡོད་ན་ད་མ་འདུག།
མཇུག་མཐའི་རྒྱལ་ཁའི་ཆེད་དུ་མདུན་ནས་མདུན་དུ་བསྐྱོད་དགོས་ཟེར།

འདི་ནས་ཕར་ལྟོས། རྒྱང་རིང་ལ་ལྟོས།
འདི་ནས་ཕར་ལྟོས། དམིགས་ཡུལ་ལ་ལྟོས།
ང་གང་ལ་སོང་རུང་། ང་གང་ནས་བསྡད་རུང་།
ཁྱེད་ཀྱིས་བཤད་པའི་སྐད་ཆ་སེམས་ལ་ཉར་ནས་ཡོད།
གནམ་སྔོན་པོ་རྡིབ་རུང་། སའི་གོ་ལ་འཇིག་རུང་།
ཁྱེད་ཀྱིས་བཤད་པའི་སྐད་ཆ་སེམས་ལ་ཉར་ནས་ཡོད།
ད་དེ་འདྲ་རེད་ཤོག། ད་དེ་འདྲ་ཅེས་ཤོག།
ཁྱེད་ཀྱིས་བཤད་པའི་སྐད་ཆ་སེམས་ལ་ཉར་ནས་ཡོད།