Gaybay 2021 - ‎སྲིད་པའི་རྨི་ལམ། | 世间梦 格白

གླུ་བ་དགེ་བྷེ་ཡི་གཞས་གསར།༼སྲིད་པའི་རྨི་ལམ།༽ 

 2021格白最新单曲《世间梦》

སྲིད་པའི་རྨི་ལམ།

ཚིག   བེ་དུང་།

དབྱངས།   པདྨ།

གཞས་པ།  དགེ་བྷེ།

མི་ཚེའི་རྨི་ལམ་ནང་ལ།། 

བདེ་སྡུག་དཀར་ནག་འཁོར་རེད།།

ཉི་མའི་དྲོ་འཁྱག་བར་གྱི།།

འུ་ཚོ་སྐད་ཅིག་མགྲོན་ཡིན།།

ཕར་ལ་གྱེས་བྲལ་མ་གནང་།།

ཚུར་ལ་མཐུན་ཁོམ་མེད་རེད།

ཨ་གསར་བརྗེ་རེས་མི་དགོས།།

ཤ་འཁོན་མེད་ན་དེས་ཆོག།  

འཁོར་བའི་སྒོ་ཆེན་སྟེང་ལ།།

སྐྱིད་སྡུག་ཁངས་ཆར་འབབ་རེད།།

འདུ་བྲལ་སྒྱུ་མའི་གྲོང་གི།། 

འུ་ཚོ་འཇིག་རྟེན་མགྲོན་ཡིན།།

སེམས་ལ་ནག་ཐིག་མ་བཟོ།།   

འགལ་འདུའི་སྐད་ཆ་མ་གླེང་།།

ཚིག་གིས་མི་སེམས་མ་གསོད།།

ཕྲག་དོག་མེད་ན་དེས་ཆོག།

མི་ཁའི་རླུང་ཆེན་ནང་ལ།།

བདེན་རྫུན་ཤིང་ལོ་འཐོར་རེད།།

མངར་སྐྱུར་འཚོ་གཞིས་གནང་བའི།།

འུ་ཚོ་ཐེངས་གཅིག་མགྲོན་ཡིན།།

ལྐོག་ནས་བླ་བཙག་མ་བྱེད།།

ཁ་ངོ་སེམས་ངོ་འཕྲོད་ཉིན།།

བཅོས་མའི་འཛུམ་མདངས་མི་དགོས།།  

སྡང་སེམས་མེད་ན་དེས་ཆོག   

འདོད་པའི་མེ་ལྕེའི་ནང་དུ།།

རྒྱལ་ཕམ་རེས་སུ་འཁོར་རེད།།

ངོ་གདོང་འགྱུར་ལྡོག་ཆེ་བའི།།

འུ་ཚོ་ཐེངས་གཅིག་མགྲོན་ཡིན།།

སྡུག་ལ་སྐྱོར་མ་མེད་ཀྱང་།།

སྐྱིད་ལ་དོ་ཡ་གནང་དགོས།།

བསླུ་བྲིད་འཁོར་ལོའི་བར་ནས།།

བརྩེ་བ་མ་འགྱུར་དེས་ཆོག།

མི་ཡུལ་སྐྱེ་འཆིའི་ཁྲོད་དུ།།

ལང་ཚོའི་རི་མོ་རྒས་རེད།།

མི་རྟག་སྲིད་པའི་གྲོང་ནས།།

འུ་ཚོ་ཐེངས་གཅིག་མགྲོན་ཡིན།།

ནོམ་པས་མི་སེམས་མ་བསླུ།།

ཚུལ་འཆོས་གར་ལ་མ་རོལ།།

ཁ་དཀར་ཁོག་ནག་མི་དགོས།།

དཔུང་རྡང་མ་འཐོར་དེས་ཆོག།

Gaybay & Rangwang Lhamo 2021

  སྨོན་འདུན་སེམས་ཀྱི་དར་དཀར། ཚིག འབྲོག་ཁ་མང་། གདངས། དགེ་བྷེ། ལེན་མཁན། དགེ་བྷེ། རང་དབང་ལྷ་མོ།

Gaybay & Rangwang Lhamo 2021

格白VS让旺拉姆 纯洁祈愿之音 2021

སྨོན་འདུན་སེམས་ཀྱི་དར་དཀར།

ཚིག  འབྲོག་ཁ་མང༏ གདངས། དགེ་བྷེ།

ལེན་མཁན། དགེ་བྷེ། རང་དབང་ལྷ་མོ།

དྲོ་ནི་ཉི་མ་དྲོ་བྱུང་། གསལ་ཡང་ཉི་མ་གསལ་བྱུང་། 

འཛམ་གླིང་ཉི་སེར་པོ། ནམ་ཡང་ཤར་བར་གནོངས་དང་།

དཀར་ནི་ཟླ་བ་དཀར་བྱུང་། བསིལ་ཡང་ཟླ་བ་བསིལ་བྱུང་། 

དཀར་གསལ་དུང་ཟླ་དཀར་པོ། ནམ་ཡང་ཤར་བར་གནོངས་དང་། 

བཀྲ་ཤིས་བརྩེགས་པ་འདྲ་པའི།  བཀྲ་ཤིས་དབྱངས་ཀྱི་མཆོད་པ། 

ཁ་བ་གངས་ཀྱི་ལྗོངས་ནས། སྙན་མོ་ངག་ལ་བཀུག་ཡོད།

སྤྲིན་དཀར་འདབས་མ་འདྲ་བའི། སྨོན་འདུན་ཡིད་ཀྱི་དར་དཀར།

ཁ་བ་གངས་ཅན་ལྗོངས་ནས། ལྷ་དར་ཚུལ་དུ་འཐེན་ཡོད། 

གནམ་ལ་འཁོར་ལོ་རྩིབས་བརྒྱད། ས་ལ་པདྨ་འདབས་བརྒྱད། 

བར་ལ་བཀྲ་ཤིས་རྟགས་བརྒྱད། གངས་ཅན་ལྗོངས་ལ་འཛོམས་ཡོད།

Gaybay 格白 དགེ་བྷེ། - - Friend གྲོགས་པོ། 2020

格白的2020年新歌《朋友》

དགེ་བྷེའི་༢༠༢༠ལོའི་གཞས་གསར། གྲོགས་པོ།

Gaybay's new song '' Friend '' 2020 

གྲོགས་པོ།

རོལ་མོ་བ། ཀ་ཤུལ་ལྷུན་པེ།
ལེན་མཁན། གངས་ལྗོངས་པི་ཝང་དགེ་བྷེ།

དུས་ཚོད་རྒྱང་དུ་ཡལ། ངོ་གདོང་དག་ཆ་མེད་དུ་གྱུར།
གྲོགས་པོ།
ད་ལོ་གང་དུ་བཞུགས། ལྭ་རིང་ངོས་སུ་སྟོན་ཁ་ཚེས་ཀྱང་།
ནང་སེམས་སུ་ཁེར་རྐྱང་བབས་བྱུང་ངམ།

རྒྱང་རིང་སེམས་ཀྱིས་བཅད། རྨི་ལམ་དག་ཡབ་ཡིབ་དུ་གྱུར།
གྲོགས་པོ།
ད་ལྟ་གང་དུ་ཆས། ཕྱི་རོལ་ཏུ་མེ་ཏོག་བཞད་ཀྱང་།
ནང་སེམས་སུ་ཕ་ཡུལ་ཉར་ཡོད་དམ།
………….
མི་ཚོགས་རྒྱབ་ཏུ་བསྐྱུར། ངོ་གདོང་ལ་རྒས་ཉམས་ཆགས།
གྲོགས་པོ།
ད་ནི་ཕྱིར་ལོག་ཤོག སྡུག་གི་ཆུ་རྐ་སེམས་ལ་བབས་ཀྱང་།
སྙེ་མའི་གྲོང་ནས་གླུ་དབྱངས་བླངས་ཆོག
སྡུག་གི་ཆུ་རྐ་སེམས་ལ་བབས་ཀྱང་།
སྙེ་མའི་གྲོང་ནས་གླུ་དབྱངས་བླངས་ཆོག

Voir cette publication sur Instagram

Une publication partagée par Tibetan Music World (@tibetanmusic) le 31 Mai 2020 à 5 :08 PDT

Gaybay 格白 དགེ་བྷེ། 2020 - Unforget Table

格白新单曲《难忘怀》2020

བརྗེད་མེད་ཡིན། ལེན་མཁན། གངས་ལྗོངས་པི་ཝང་དགེ་བྷེ།

New single from Gaybay '' Unforget Table ''

བརྗེད་མེད་ཡིན།
ཚིག་དང་དབྱངས། ལེན་མཁན། གངས་ལྗོངས་པི་ཝང་དགེ་བྷེ།

བུ་ང་རང་ས་མཐར་འཁྱམས་ཉིན་མོར།།
ང་གར་འགྲོ་འདིར་འགྲོ་མེད་ཀི་མོད།།
གྲོགས་ཁྱེད་ཀྱིས་སྡུག་རོགས་བྱས་པ་དེ།།
ངས་མི་ཚེ་གང་བོར་བརྗེད་མེད་ཡིན།།

བུ་ང་རང་ས་མཐར་འཁྱམས་ཉིན་མོར།།
ང་གང་འདུག་འདིར་འདུག་མེད་ཀི་མོད།།
གྲོགས་ཁྱེད་ཀྱིས་གནས་ཚང་གཡར་བ་དེ།།
ངས་མི་ཚེ་གང་བོར་བརྗེད་མེད་ཡིན།།

བུ་ང་རང་ས་མཐར་འཁྱམས་ཉིན་མོར།།
གནས་དེར་བརྟེན་འདིར་བརྟེན་མེད་ཀི་མོད།།
གྲོགས་ཁྱེད་ཀྱིས་བརྟེན་ས་བྱས་པ་དེ།།
ངས་མི་ཚེ་གང་བོར་བརྗེད་མེད་ཡིན།།

Gaybay 格白 དགེ་བྷེ། (Gepe) new album 2018

གངས་ལྗོངས་པི་ཝང་དཀར་པོ་དགེ་བྷེ་གཞས་གསར།

格白 Gaybay (Gepe) དགེ་བྷེ། 2012

མཐོ་སྒང་པི་ཝང་དཀར་པོའི་ཆེད་བསྒྲིགས་འོད་འཁོར་གཉིས་པ།
ཡོང་གི་ཡོད།  རྗེས་སུ་དྲན་པ།  ཕོ་ཉ་དམར་པོ།  དྲན་པའི་གཞས་ཆུང་།
格白Gaybay(Gepe) དགེ་བྷེ།  2012

Album: The plateau of Light II
Artiste : 格白 Gaybay (Gepe) དགེ་བྷེ།
Genre: Pop, Traditional
Track: 12
Released: 10.2012