༢༠༢༡ | གཞས་གསར། ང་ཡི་ཚྭ་འདམ་ཕྱུག་མོ། གཞས་མ། དངོས་གྲུབ་སྒྲོལ་མ།
《神奇柴达木》演唱：欧智卓玛 2021
ང་ཡི་ཚྭ་འདམ་ཕྱུག་མོ།
ཚིག སྒོ་མེ་དོན་འགྲུབ་ཚེ་རིང་།
དབྱངས། རྨེ་རུ་བསྟན་འཛིན།
གཞས་མ། དངོས་གྲུབ་སྒྲོལ་མ།
བརྡ་ཁྱབ་ཇུས་འགོད། བསོད་ནམས་བསྟན་དགའ།
ཨ་ཆེན་གངས་ཀྱི་རི་ལ། བཅུད་ཀྱི་སེམས་ཅན་འཁོར་ཡོད།།
གངས་ཆུ་ཤོད་ལ་བབས་ཡོད། གཡུ་ཡི་མཚོ་མོ་འཁྱིལ་ཡོད།།
མཚོ་མཐའ་སྤང་གིས་བརྒྱན་ཡོད། སྤང་ལ་མེ་ཏོག་བཞད་ཡོད།།
ང་ཡི་ཚྭ་འདམ་ཕྱུག་མོ། སྐྱིད་ཀྱི་ཕ་ས་ཕ་ཡུལ།།
རྔམ་བརྗིད་ཁུ་ནུ་རི་བོ། རིན་ཆེན་གཏེར་གྱི་འཇིག་རྟེན།།
སྟོབས་འབྱོར་མངའ་ཐང་རྒྱས་ཡོད། ཆབ་དཔལ་རིག་གནས་དར་ཡོད།།
སྟག་ཤར་བློ་སྤོབས་ཆེ་ས། སྨན་ཤར་གཞུང་རྒྱུད་དྲང་ས།།
ང་ཡི་ཚྭ་འདམ་ཕྱུག་མོ། སྐྱིད་ཀྱི་ཕ་ས་ཕ་ཡུལ།།
མདོ་ལ་རིང་མོའི་རི་རྒྱུད། རི་ཆུ་སྟོང་གིས་བརྒྱན་ཡོད།།
རི་ལ་གངས་དཀར་ཕྱོགས་ལེ། ཆུ་ལ་འཇུ་ལག་གཙང་བོ།།
རི་ཡིས་འབྲོག་ཐང་བསྐྱེད་ཡོད། ཆུ་ཡིས་ཞིང་ཐང་བསྐྱངས་ཡོད།།
ང་ཡི་ཚྭ་འདམ་ཕྱུག་མོ། སྐྱིད་ཀྱི་ཕ་ས་ཕ་ཡུལ།།
No comments:
Post a Comment