Golok Gyaltsen 果洛尖参 & 加杨措 2020

 དགེ་སློབ་འཛོམས་གླུ། རྒྱལ་མཚན། འཇམ་དབྱངས་མཚོ། 

师徒歌 演唱 尖参和 加杨措 2020

དགེ་སློབ་འཛོམས་གླུ།

ཚིག དམེ་ཚང་རྟ་ཁོ། དབྱངས།  མགོ་ལོག་རྒྱལ་མཚན།

གཞས་པ། མགོ་ལོག་རྒྱལ་མཚན། འཇམ་དབྱངས་མཚོ།

ང་ཡི་སློབ་དཔོན་དམ་པ། ཁྱེད་ནི་ཉི་འོད་ཡིན་པས།

རི་རྩེ་གསེར་གྱིས་ཤན་ཡོད། སློབ་བུ་ང་ཡི་བློ་ལ།

འོད་ཀྱི་དངོས་གྲུབ་བསྩལ་ཡོད།

ང་ཡི་སློབ་བུ་བཟང་པོ། རི་རྩེའི་ཉི་འོད་སེར་པོ།

ཁྱོད་ཀྱི་མི་གཤིས་ཡིན་དགོས། གསེར་དང་འདྲ་བའི་མི་གཤིས།།

ཚེ་འདིའི་ནོམ་གྱི་མཆོག་ཡིན།

ང་ཡི་སློབ་བུ་བཟང་པོ། རི་རྩེའི་དུང་ཟླ་དཀར་པོ།

ཁྱོད་ཀྱི་ལྷག་བསམ་ཡིན་དགོས། དུང་དང་འདྲ་བའི་ལྷག་བསམ།

གུས་པ་ཀུན་གྱི་མཆོག་ཡིན།

ང་ཡི་སློབ་དཔོན་དམ་པ། ཁྱེད་ནི་ཟླ་བ་ཡིན་པས།

རི་རྩེ་དུང་གིས་ཤན་ཡོད། སློབ་བུ་ང་ཡི་གཤིས་ལ།

འོ་མའི་ངང་རྒྱུད་གནང་ཡོད།

ང་ཡི་སློབ་དཔོན་དམ་པ། ཁྱེད་ནི་ཁུ་བྱུག་ཡིན་པས།

གནས་འདིར་དཔྱིད་དཔལ་བསུས་ཡོད།

སློབ་བུ་ང་ཡི་ངག་ལ། དབྱངས་ཅན་བྱིན་རླབས་བསྩལ་ཡོད།། 

ང་ཡི་སློབ་བུ་བཟང་པོ། ཁུ་བྱུག་སྔོན་མོའི་གྲེ་འགྱུར།། 

ཁྱོད་ཀྱི་ངག་སྒོ་ཡིན་དགོས། ངག་ལ་དྲངས་བའི་སེམས་སྒྲ།

སྙན་པ་ཀུན་གྱི་མཆོག་ཡིན།།