སྒྲོལ་མ་སྐྱིད་ཀྱི་གཞས་གསར། ༼དགའ་ལངས་ཆ་ལངས།༽ ༢༠༢༠
ཚིག ཞི་བདེ་ཉི་མ། དབྱངས། སྒྲོལ་མ་སྐྱིད། ལེན་མཁན། སྒྲོལ་མ་སྐྱིད།
Tibetan singer Dolma Kyi's new mv song
卓玛吉的最新歌曲《嘎朗恰朗》
དགའ་ལངས་ཆ་ལངས།
ཚིག ཞི་བདེ་ཉི་མ། དབྱངས། སྒྲོལ་མ་སྐྱིད།
ལེན་མཁན། སྒྲོལ་མ་སྐྱིད།
སྲིད་པའི་རི་ལ་མཆོད་པ་དགོས་ལེ་མིན།
རི་ལ་ཁ་བ་བབས་ན་མཆོད་པ་རེད།
རང་གིས་མ་མཆོད་ལྷུན་གྱིས་འགྲུབ་ནོ་འདི།
ཁྱོད་དང་ང་ཚོའི་རྒྱབ་རི་དཀར་དཀར་རེད།
ཨ་གཡང་གིས་མཆོད། གཡང་ལོང་གིས་བཞུགས།
རྒྱབ་རི་དཀར་དཀར་ཡིན་ན་དགའ་ལངས་ཆ་ལངས།
སེམས་རྒྱུད་དཀར་དཀར་ཡིན་ན་དགའ་ལངས་ཆ་ལངས།
གཙང་བོ་ཆུ་ལ་མཆོད་པ་དགོས་ལེ་མིན།
ཆུ་ལ་མེ་ཏོག་ཤར་ན་མཆོད་པ་རེད།
རང་གིས་མ་མཆོད་ལྷུན་གྱིས་འགྲུབ་ནོ་འདི།
ཁྱོད་དང་ང་ཚོའི་གསོལ་ཆུ་དྭངས་མོ་རེད།
ཨ་གཡང་གིས་མཆོད། གཡང་ལོང་གིས་བཞུགས།
གསོལ་ཆུ་དྭངས་མོ་དགའ་ལངས་ཆ་ལངས།
ཆུ་རྒྱུན་གངས་ལ་བྱས་ན་དགའ་ལངས་ཆ་ལངས།
གཡང་ཁྱིམ་གྲུ་བཞིར་མཆོད་པ་དགོས་ལེ་མིན།
སྐྱིད་ལ་ཕ་མ་བཞུགས་ན་མཆོད་པ་ཡིན།
ཐབས་ཀྱིས་མ་བསྒྲིག་ལྷུན་གྱིས་འགྲུབ་ནོ་འདི།
ཁྱོད་དང་ང་ཚོའི་བསོད་ནམས་རང་འགྲིག་རེད།
ཨ་གཡང་གིས་མཆོད། གཡང་ལོང་གིས་བཞུགས།
མི་གཡང་ཁྱིམ་ལ་བཞུགས་ན་དགའ་ལངས་ཆ་ལངས།
མི་རྒྱུས་ལྷ་ལས་ཡག་ན་དགའ་ལངས་ཆ་ལངས།
No comments:
Post a Comment