ནོར་བུ་བསམ་གྲུབ་ལགས་ཀྱི་གཞས་གསར་མཛེས་སྡུག་ས་གཞི།
Norbu Samdup's new mv song '' Beautifull Planet '' 2020
藏族歌手罗布桑珠的新歌《美丽星球》
མཛེས་སྡུག་ས་གཞི།
ཚིག་དང་དབྱངས་ལེན་མཁན། ནོར་བུ་བསམ་གྲུབ།
མཛེས་སྡུག་གི་ས་གཞི་འདི་ལ་ང་ཚོས་གཏོར་སྐྱོན་བཏང་བས།
འཚོ་གནས་བྱེད་པའི་ས་གཞི་འདི་ནི་སྔར་བཞིན་མཛེས་སྡུག་འདི་བསྡད་མེད།
ཟང་ཟིང་གི་སྤྱི་ཚོགས་འདི་ལ་འདོད་རྔམ་དང་བཅས་ཀྱིས་ཁེངས་པའི་སྐྱེ་བོ་ཚོ།
ལས་འབྲས་ཀྱི་འཁོར་བའི་ནང་ལ་ཚུད་པའི་འགྲོ་བ་མི་དང་།
རྒྱུ་དང་འབྲས་བུར་མ་སྲུང་ཉོན་རྨོངས་དུག་གསུམ་འཁྲུལ་སྣང་ཁེངས་པའི་མི།
ཡ་ང་བའི་སྤྱི་ཚོགས་འདི་ལ།
ཡིད་སྐྱོ་བའི་མིག་ཆུ་བུ་ངའི་སེམས་ནས་ལྷུང་།
འཁོར་བ། ཁྱེད་ནམ་ཡང་འཁོར་ངེས།
ལས་འབྲས་འཁོར་བའི་ནང་ལ་འཁོར་ནས།
དྭངས་གཙང་གི་མཁའ་རླུང་མེད་པ།
ཡ་ང་བའི་སྲོག་ཆགས་བསད་པ།
སེམས་བཟང་ལ་ཁོག་ངན་བཅངས་པ།
སྐྱུག་བྲོ་བའི་འགྲོ་བ་མི་ཡི་རིགས།
Ye... ཚུར་ལ་གསན་དང་བུ་ངས་བཏང་བའི་གླུ་གཞས་འདི།
Ye.........
དཀར་གཙང་ལྷད་མེད་འགྲོ་བ་མི་དེ།
ད་ཆ་དམར་ཟས་དགའ་བའི་འདྲེ་ལ་གྱུར།
གནའ་སྔ་མོའི་མི་དང་རང་བྱུང་ཁམས་ཀྱི་ཞི་བདེའི་ཡུལ་དེ།
ཞེ་སྡང་། ཕྲག་དོག་གཏི་མུག་མ་ཟད་སྙིང་རྗེ་མེད་པའི་སྐྱེ་བོ་ཚོ།
དྭངས་གཙང་གི་ས་གཞི།
ད་ཆ་སྨག་རུམ་དང་མུན་པས་ཁེངས་པའི་ཡུལ་ལ་གྱུར།
འཁོར་བ། ཁྱེད་ནམ་ཡང་འཁོར་ངེས།
ལས་འབྲས་འཁོར་བའི་ནང་ལ་འཁོར་ནས།
དྭངས་གཙང་གི་མཁའ་རླུང་མེད་པ།
ཡ་ང་བའི་སྲོག་ཆགས་བསད་པ།
སེམས་བཟང་ལ་ཁོག་ངན་བཅངས་པ།
སྐྱུག་བྲོ་བའི་འགྲོ་བ་མི་ཡི་རིགས།
Ye.... ཚུར་ལ་གསན་དང་བུ་ངས་བཏང་བའི་གླུ་གཞས་འདི།
Ye……
སྔོ་ལྗང་ས་གཞི་བྱིའུ་ཆུང་གསུང་སྐད་སྙན་པ།
ཤང་ཤང་སྐྱིད་ཆུ་སྔོན་མོ་རྐང་འགྲམ་རྒྱུག
ཨ་སྔོན་གནམ་མཁའི་དབྱིངས་སུ་གསོལ་བ་བཏབ་པས།
མཛེས་སྡུག་ས་གཞི་ནམ་ཡང་གནས་གྱུར་ཅིག
སྤྲོ་སྣང་དང་ལྡན་པའི་འཇིག་རྟེན།
བདེ་སྐྱིད་ཀྱི་དགོད་སྒྲས་ཁེངས་པ།
ངོ་མཚར་བའི་རང་བྱུང་ཁམས་དང་།
སེམས་ཅན་གྱི་འཚོ་གནས་བཟང་བ།
ལས་འབྲས་ལ་སྲུང་བའི་མི་རྣམས།
བྱམས་སེམས་ཀྱི་སྙིང་རྗེ་ལྡན་པ།
དེ་ཨེ་མ་ཇི་འདྲའི་མཛེས་པའི།
འགྲོ་བ་ཀུན་གྱི་འཚོ་གནས་བྱེད་པའི་ཡུལ།
Ye... ཚུར་ལ་གསན་དང་བུ་ངས་བཏང་བའི་གླུ་གཞས་དེ།
Ye…….
No comments:
Post a Comment