Meibu Yang མེས་པོའི་དབྱངས། 迷蕃音 2017

The first session of the Classical Tibetan Music Tribute to the Classical Tibetan Music Awards Gala ,Congratulations on the Contribution of Excellence.” The Voice recorded and talked about the artistic life of Tibetan folk artists, and deeply understood how they managed to create richness through perseverance and unremitting efforts. The wealth of art has become a “voice” of the times. Creating a platform for young art professionals and musicians to have more opportunities to learn and promote traditional Tibetan music
首届迷蕃音致敬经典藏地音乐颁奖晚会“第二篇章《礼赞卓越的贡献》 迷蕃音以记录和讲述藏地民间艺术家的艺术人生，深度了解他们是如何通过坚守与不懈努力，创造了丰厚的艺术财富，从而成为一个时代的“声音” 迷蕃音以打造平台的方式让青年的艺术专业人士和音乐人有更多地机会学习和发扬藏族传统音乐。

མེས་པོའི་དབྱངས་ཕྱག་རྗེས་གཟེངས་བསྟོད་དགོང་ཚོགས་སྐབས་དང་པོ་འདི་ལེའུ་བཞི་རུ་བགོས་ཡོད་ལ།ལེའུ་དང་པོ་ཚད་ལྡན་ལ་གུས་པར་འདུད་པ་དང་། ལེའུ་གཉིས་པ་བྱས་རྗེས་ལ་དར་དཀར་འཐེན་པ།ལེའུ་གསུམ་པ་སྒྱུ་རྩལ་གྱི་རྣམ་ཤེས་མཆོད་པ། ལེའུ་བཞི་བ་མེས་པོ་ཡི་ཞབས་རྗེས་འཚོལ་བ་བཅས་ཡོད་ལ། ལེའུ་དང་པོ་ཀུན་གྱི་སྤྱན་སྔ་རུ་བསྟར་ཟིན་པ་ནང་ལྟར་ཏེ། ད་རེས་ནི་ལེའུ་གཉིས་པ་བྱས་རྗེས་ལ་དར་དཀར་འཐེན་པ་ཡིན་ལ། མི་འགྱང་བར་རིམ་བཞིན་དུ་དྲ་ལམ་བརྒྱུད་དེ་བསྒྲག་ཡོང་ངེས། ཀུན་གྱིས་ཐུགས་ཁུར་དང་རྒྱབ་སྐྱོར་བྱེད་པར་སྙིང་ནས་རེའོ།། མེས་པོ་དབྱངས་ཟེར་ན་ད་ནི་ཁྱེད་ཅག་ལའང་བག་ཆགས་ཅུང་ཟད་རེ་ཡོད་སྲིད་ལ་མེད་ཀྱང་ངེས། གང་ལྟར། མ་གཞི་ང་ཚོས་འདི་འདྲའི་ལས་ཀ་ཞིག་སྒྲུབ་པ་ནི་ཆེད་ལས་དང་ཚད་གཞི་མཐོན་པོ་ཞིག་གི་ལམ་ནས་བསྒྲུབས་པ་མ་ཡིན་ལ། བོད་ཀྱི་སྲོལ་རྒྱུན་རིག་གནས་ལ་དུངས་ཞེན་ཆེན་པོའི་སྒོ་ནས་བཙུགས་པའི་དམངས་ཁྲོད་ཀྱི་རྩ་འཛུགས་ཤིག་ཡིན། འདི་རུ་བོད་གཞས་སྒྱུ་རྩལ་གྱི་ཆེད་མཁས་པ་དང་རྒྱུན་འཛིན་པ་མང་པོ་གདན་དྲངས་ནས། བློ་གཟུ་བོ་དང་གཏམ་དྲང་བོས་གཞུང་ལུགས་ཀྱིས་དཔྱད་པ་དང་ཉམས་མྱོང་གིས་བསྡོམ་པ་གཙོ་བྱས་ཏེ། རང་གི་ཡག་ལ་གཞན་གྱི་ཕྲ་བརྒྱན་ནས། དམིགས་པ་རྒྱང་རིང་ལ་སྙེགས་པ་འགྲོས་མྱུར་བ་སོགས་རང་ཚུགས་བརྟན་ལ་རང་གཤིས་ལྡན་པའི་བོད་པའི་གླུ་གཞས་སྒྱུ་རྩལ་རིག་གནས་ཀྱི་ཁ་ཕྱོགས་རླབས་པོ་ཆེ་དེ་སྲུང་ཞིང་། རྒན་པས་བསྒོ་ལ་གཞོན་པ་གོམས་ཕྱིར༼ མེས་པོའི་དབྱངས ༽འདི་དང་འབྲེལ་ནས་ང་ཚོས་སེམས་ཀྱིས་སྲུང་དགོས་པ་དང་ཡིད་ཀྱིས་གཅེས་དགོས་པའི་ཕ་མེས་ཡང་མེས་ཀྱི་དབྱངས་རྟ་དང་འགྱུར་ཁུགས་མང་པོ་མང་པོ་ཞིག་ལྷོད་ཀྱིས་བརྡོལ་བར་རེ་བའང་ཡིན། ང་ཚོ་རང་ངོས་ནས་མེས་པོ་དབྱངས་ཀྱི་བྱ་གཞག་གི་ཐོག་མཐའ་བར་གསུམ་དུ་ལོ་ངོ་བཞི་ལྷག་གི་དུས་ཡུན་བེད་སྤྱད་ཅིང་། བོད་ཁམས་ཡོངས་སུ་སོང་སྟེ། བོད་ཀྱི་སྒྱུ་རྩལ་རྒན་རབས་པ་ལྔ་བཅུ་ལྷག་ལ་བཅར་འདྲི་བྱས་ཡོད་པ་དང་། དམངས་ཁྲོད་ཀྱི་གླུ་གཞས་བརྒྱ་ལྷག་འཚོལ་བསྡུ་བྱས་ནས། ཀྱག་ཀྱོག་གི་ལམ་ཁ་མང་པོ་ཞིག་བརྒྱུད་པ་ཡིན་མོད། ཕྱི་ཡི་འབྱོར་བ་དང་ནང་གི་ཡོན་ཏན་ཕྱོགས་གང་ཐད་ནས་མ་འདང་ས་དང་ལག་ལེན་དུ་མ་ཐོབ་ས་གང་མང་ཞིག་ཡོད་ངེས། ཡིན་ཀྱང་། ཚང་མས་ཐུགས་ཁུར་དང་རྒྱབ་སྐྱོར་གྱི་སྐུ་དྲིན་གྱིས་ང་ཚོ་ཐུན་མོང་དབང་བའི་མེས་པོའི་དབྱངས་ཀྱི་གར་སྟེགས་འདི་ལྟ་བུ་ཞིག་ཐོག་དང་པོར་གསོ་སྐྱོང་གནངས་ཐུབ་སོང་བ་དང་། མ་འོངས་པར་མེས་པོའི་དབྱངས་ཀྱི་གཞིས་ཀ་འདི་ལས་རྗེས་རབས་པ་མང་པོ་ཞིག་གཙོ་སྐྱོང་གནངས་དགོས་ཡོད། ང་ཚོ་རང་ངོས་ཀྱང་མེས་པོའི་དབྱངས་སམ་རིག་གནས་ཀྱི་རྒྱུན་འདི་ཉིད་རྒྱུན་འཛིན་དང་དར་སྤེལ་གཏོང་བའི་ཀུན་སློང་གཙང་མ་སྔོན་དུ་བཏངས་ཏེ་མུ་ནས་བསྒྲུབ་རྒྱུ་ཡིན། མ་ཟད་གཟེངས་བསྟོད་དགོང་ཚོགས་དང་བསྟུན་མེས་པོའི་དབྱངས་ཀྱི་ཆེད་མཁས་ཚོགས་པ་ཞིག་བཙུགས་ཟིན་ལ། རྗེས་མར་སྐབས་རིམ་བྱུང་གི་མེས་པོའི་དབྱངས་ཀྱི་སྒྱུ་རྩལ་བརྩམས་ཆོས་དག་ཆེད་མཁས་ཚོགས་པའི་དཔྱད་འདེམས་ཀྱི་གོ་རིམ་བརྒྱུད་གདམ་གསེས་བྱ་རྒྱུ་ཡིན།