Lhakar Dolma 拉格卓玛 ལྷ་དཀར་སྒྲོལ་མ། 2020

拉格卓玛新歌《缘》 2020

༢༠༢༠ལོ་ལྷ་དཀར་སྒྲོལ་མའི་གཞས་གསར།༼ཨ་ལོང་ཡང་ལོང་།༽

ཚིག འབྲོང་ཕྲུག་ལྷ་ཆེན་རྒྱལ། དབྱངས། བན་ཤུལ་ཐར་འབུམ་རྒྱལ།

ལེན་མཁན། ལྷ་དཀར་སྒྲོལ་མ།

Lhakar dolma's new song '' Along Yalong''

ཨ་ལོང་ཡང་ལོང་།

ཚིག འབྲོང་ཕྲུག་ལྷ་ཆེན་རྒྱལ།

དབྱངས། བན་ཤུལ་ཐར་འབུམ་རྒྱལ།

ལེན་མཁན། ལྷ་དཀར་སྒྲོལ་མ།

སེམས་ཀྱི་རྨུ་ཐག་རིང་མོ། སེར་བོ་གསེར་དང་འདྲ་ལེ་རེད། 

ལས་ཀྱི་ཕྱི་ཐག་ཕྲ་མོ། དཀར་བོ་དུང་དང་འདྲ་ལེ་རེད། 

ཨ་ལོང་ལེན། ལོ་དང་ཟླ་བར་སྒུག་ནས།  

ཡང་ལོང་ལེན། ཉིན་དང་སྐར་མར་ཐོན་ན།  

དར་ལུང་རྣ་བས་ཉོན་དང་། སྙན་མོ་གཞས་ཤིག་བཏང་ནས་ཡོང་། 

ཚེ་སྔོན་ལས་ཀྱི་སྨོན་ལམ། སེར་བོ་གསེར་དང་འདྲ་ལེ་རེད།  

ལམ་ཐུག་ཐོད་པའི་ཁ་ཡིག དཀར་བོ་དུང་དང་འདྲ་ལེ་རེད། 

ཨ་ལོང་ལེན། དུས་དང་བསྐལ་བར་ཉན་ནས། 

ཡང་ལོང་ལེན། རྟགས་དང་རྟེན་འབྲེལ་འགྲིག་ན། 

ཁྲ་ཆུང་མིག་གིས་གཟིགས་དང་། བདེ་མོ་བྲོ་ཞིག་འཁྲབ་ནས་ཡོང་།

ཚིག་གསུམ་རྡོ་རྗེ་མགུར་མ། སེར་བོ་གསེར་དང་འདྲ་ལེ་རེད། 

བློ་སེམས་མི་འགྱུར་དམ་བཅའ། དཀར་བོ་དུང་དང་འདྲ་ལེ་རེད། 

ཨ་ལོང་ལེན། ལས་དང་བསོད་ནམས་ཡོད་ལས། 

ཡང་ལོང་ལེན། སེམས་དང་བསམ་པ་མཐུན་ན། 

ཚེ་འདིའི་སྨོན་ལམ་སྟེང་ལ། རྟིང་མའི་སྨོན་ལམ་བརྒྱབ་ཡོད།