果洛尖参&三木戈《我的祖先》2020
Golok Gyaltsen & Samkho's new mv song ''My Ancestors''
མགོ་ལོག་རྒྱལ་མཚན་དང་བསམ་ཁོ། ༼ང་ཡི་མེས་པོ།༽ ༢༠༢༠
 |
ང་ཡི་མེས་པོ།
ཚིག བློན་ཚང་བསྟན་ཁོ།
དབྱངས། ལི་ཐང་བསྟན་འཛིན།
གཞས་གཏོང་མཁན། མགོ་ལོག་རྒྱལ་མཚན། བསམ་ཁོ།
ངའི་སྙིང་གི་ཟབ་སར་གནས་པའི་སྐད་དང་ཡི་གེ
ཤེས་རིག་ཀློང་གི་སྒྲོན་མེ་ཉག་གཅིག
ཐབས་ཤེས་ཟུང་གི་གཤོག་པ་མུན་པའི་གསེབ་ཏུ་བསྐྱེད་མྱོང་།
འོད་སྣང་གཞོམ་པ་མེད་པའི་གསེར་གྱི་ཐང་མ་ཡིན།
མི་ཡི་སྙིང་སྟོབས་དང་རིགས་ཀྱི་སྤོབས་པ་དེ་ཁྱེད་ཀྱི་གཤིས་སུ་གྲུབ་པས།
ཁྱེད་ནི་ང་ཡི་བླ་སྲོག་དེ་ཡིན།
ལོ་དང་ཟླ་བ་ཅི་ཙམ་བརྒལ་ཡང་།
ཁྱེད་ཀྱི་འོད་སྣང་གོ་ལའི་ཡང་རྩེར་ཡོད།
ཤེས་རིག་ཀློང་གི་སྒྲོན་མེ། བླ་སྲོག་སྐད་དང་ཡི་གེ
ངའི་བཙན་པོ་རྗེ་གཅིག་མི་དབང་སྲོང་བཙན་སྒམ་པོ།
ལུགས་གཉིས་དཔལ་གྱི་བདག་པོ་ཁྱེད་ཀྱིས།
དཔའ་ངར་བཙན་གྱི་གཤོག་པ་གླིང་བཞིའི་ཁྱོན་དུ་བསྐྱེད་མྱོང་།
ང་ཚོ་གདོང་དམར་བོད་པ་བརྟེན་སའི་སྲོག་ཤིང་ཡིན།
སྲིད་པའི་དབང་ཐང་དང་མི་རྒྱལ་ཁམས་ཟུར་གྱིས་གནོན་པའི་བཙན་པོ།
ཁྱེད་ནི་ང་ཡི་མེས་པོ་དེ་ཡིན།
ལོ་དང་ཟླ་བ་ཅི་ཙམ་བརྒལ་ཡང་།
ཁྱེད་ཀྱི་མཛད་འཕྲིན་འཛིན་མའི་ཁྱོན་དུ་ཡོད།
སུམ་གཉིས་ས་ཡི་བདག་པོ། མི་དབང་སྲོང་བཙན་སྒམ་པོ།
No comments:
Post a Comment