Tibetan Music World 藏族音乐世界 བོད་ཀྱི་རོལ་དབྱངས་གླིང་།

Search Tibetan singers

22 Apr 2017

Sherten and Samdup Tsering 2017

Tibetan singer Sherten and Samdup Tsering  the latest single
谢旦 三智才让最新单曲 '' 草原生思 ''
'' རྩྭ་ཐང་གི་འཁྲེང་སེམས། '' ལེན་མཁན། ཤེར་བསྟན་དང་མགར་བསམ་འགྲུབ་ཚེ་རིང་།
ཚིག   གངས་དཔལ།  དབྱངས།   མགར་བསམ་འགྲུབ་ཚེ་རིང་།

 



 
༡ ཉི་མ་ཚེ་རིང་ཕར་ཁའི་རི་ནས་རྫི་གླུ་སིང་སེར་ཡོང་། ཟླ་བཟང་སྒྲོལ་མ་ཚུར་ཁའི་སྒང་ནས་མེ་ཏོག་འཐུ་བཞིན་སོང་།
 ཉི་མ་ཚེ་རིང་ཕར་ཁའི་རི་ནས་གོམ་ཆུང་ག་ལེར་ཡོང་། ཟླ་བཟང་སྒྲོལ་མ་ཚུར་ཁའི་སྒང་ནས་འཛུམ་ཆུང་གྱི་ལེར་སོང་།


༢ ལུག་ཚེར་དཀར་སིང་སིང་གླུ་ལ་ཁྲོལ་ལེར་འགུག༼ཡ།༽
 རྟ་འདོ་བ་སྙན་སྙན་སྐད་ལ་འཁྱུག་ལེར་འགུག ཉི་མ་ཚེ་རིང་ལྷ་དབང་འདྲ།
 ལྷ་དབང་བརྒྱ་བྱིན་རང་བྱོན་འདྲ། ཟླ་བཟང་སྒྲོལ་མ་ལྷ་མོ་འདྲ།
 ལྷ་མོའི་ཆོས་སྐུ་རང་བྱོན་འདྲ། སོ་ཡ་ལ་ལྷ་ཞལ་བག་རེ་དྲོ།


༣ ཚེར་དཀར་ལུག་དང་སྤྲིན་དཀར་འདྲེས་པའི་ཡངས་པའི་རྩྭ་ཐང་།༼སྤྲོ་ལ་སེ།༽
 ཆུ་མོའི་གཞུང་ལ་འཇའ་རིས་སྨུག་པའི་དབང་གཞུ་འཐེན་ལེ་རེད།
 ལུང་པ་༼ཡེ་སོ་༽ཕུ་ཐག་རིང་བའི་ས་ཆ་དགའ་ལེ།
 དཀར་གསལ་མེ་ཏོག་དྲི་ཞིམ་འགྲོ་བའི་ནེའུ་གསིང་མེ་ལོང་ན།
 སྟག་ཤར་ལུ་མ་འཕངས་མདའ་མོ་འདྲ་ལེ་རེད།༼ཡ།༽
 སྨན་བུ་མོ་མ་བཀུག་གཞུ་མོ་འདྲ་ལེ་རེད།༼ཡ།༽
 ཟླ་བཟང་ལང་ཚོ་རྨ་བྱ་འདྲ། རྨ་བྱའི་སྒྲོ་ཕྲན་འདྲ་ལེ་རེད།
 ཟླ་བཟང་སྐད་ངག་ཁུ་ཡུག་འདྲ། ཁུ་ཡུག་གསུང་དང་འདྲ་ལེ་རེད།
 སོ་ཡ་ལ་མི་མོའི་དྭངས་རྩེ་རེད།༼ཡ།༽

༤ ཟླ་བཟང་ཞལ་རས་དུང་ཟླ་བཞིན་དུ་དཀར་ལུ་ཚེས་ཡོད།
༼དགའ་གྲགས་སེ།༽ ཟླ་བཟང་སྐྱེ་གཟུགས་གཞོན་ཤ་སྨིན་མ།
༼སྐྱིད་པོ་གྲགས་སེ་ལོ།༽
ཚར་དཀར་གྲ་ལོའི་ཕུ་རུང་ནང་ནས་ཞལ་འཛོམས་ཕྱག་བརྡ་ཡོང་།༼ཡ་ལ།༽
སྐྲ་ནག་ལན་བུའི་འཕྱང་འཕྲུལ་གསེབ་ནས་ཟུར་མིག་སྐར་མདའ་ལྷུང་།
ཞེ་མ་མཐུན་སྡེ་ཆེན་མྱི་ཁ་ཆེ་ས་རེད།༼ཡ།༽ མཐུན་སོང་ན་ཁ་ཡ་ན་ཟླ་སྨོན་ས་རེད།༼ཡ།༽
ཟླ་བཟང་ཞེ་སེམས་སྤྲིན་པ་འདྲ། སྦྲང་ཆར་བཞིན་དུ་སིམ་སིམ་བབས།
ཟླ་བཟང་སྣང་བ་ཟླ་ཟེར་འདྲ། ཆུ་མོའི་གཞུང་ལ་ཤག་ཤག་བབས།
སོ་ཡ་ལ་རྨི་ལམ་ཞིམ་པོ་རེད།








No comments: