༢༠༢༠ལོའི་བསམ་འགྲུབ་ཚེ་རིང་གི་གཞས་གསར།
三智才让最新歌曲 轮回中的我 2020
འཁོར་བའི་ནང་གི་ང་།
ཚིག་རྩོམ་མཁན། གཡེ་རུས་རྐང་།
དབྱངས་རྩོམ་མཁན། མགར་བསམ་འགྲུབ་ཚེ་རིང་།
གཞས་གཏོང་མཁན། མགར་བསམ་འགྲུབ་ཚེ་རིང་།
མི་ཚེའི་འཇིགས་སྣང་ཁུར་ནས་རི་བོའི་ཕ་རོལ་བརྒལ་དུས།
མི་ཚོགས་ཁྲི་མ་འབུམ་གྱིས་དུག་གི་ཁ་རླངས་འཕྱུར་སོང་།
འགྲོ་སའི་རྗེས་ཤུལ་རེ་ན་བླ་བཙག་ཁོང་དགོད་མང་བས།
ཕྱིར་མིག་རྒྱང་ལ་གཏད་ནས་གཏན་གྱི་འདུན་མར་བསྙེགས་ཡོད།
འོན་ཀྱང་མི་སེམས་རླུང་ཁའི་དར་རེད། དར་ལྕེ་གང་སར་གཡུག་འགྲོ
འོན་ཀྱང་མི་ཁ་སྐོར་ལོག་ཆུ་རེད།
ཆུ་མོ་གང་སར་བཞུར་འགྲོ
ཚར་རྒྱུ་མེད་པའི་མྱི་ཁས་འགྲོ་སའི་གནས་མལ་བཅད་སོང་།
ང་རང་ངུས་མྱོང་། ང་རང་བགད་མྱོང་།
ངུས་ནས་འཚོ་བའི་ལམ་ཁ་བཙལ་ན་ཡ་མཐའི་འཚོ་བའི་སྙིང་བོ་རྟོགས་ཡོང་།
ང་ཡི་འཇིག་རྟེན། ང་ཡི་མི་ཚེ། ང་ཡི་འཁོར་བ། ང་ཡི་བདག་པོ།
དབྱངས་ཀྱི་གཤོག་པ་བཏགས་ནས་སྒྱུ་མའི་གྲོང་ཚོ་བརྒལ་དུས།
སྐྱོ་སྡུག་རྣ་བར་གླན་པའི་མི་ཚོགས་འཚང་ཁ་ཤིག་ཤིག
རྒོད་པོའི་འཕུར་ལམ་བར་ན་གཡོ་སྒྱུའི་འཛུམ་བག་རྒོད་པས།
ཞི་བདེའི་གཤོག་ཟུང་བརྐྱངས་ནས་བགྲོད་ལམ་མིག་གིས་འཚོས་ཡོད།
འོན་ཀྱང་མི་ཚོགས་ཁ་མང་རླུང་རེད།
རླུང་བུ་གོས་ཀྱིས་མ་ཁོག འོན་ཀྱང་མི་སེམས་སྲ་མོ་རྡོ་རེད།
རྡོ་ཁོག་ཆུ་ཡིས་མ་ལོན།
སྤྲོ་སྣང་མེད་པའི་རེ་བ་སྙིང་སྟོབས་ཡིད་ནས་ཆད་སོང་།
ང་རང་ངུས་མྱོང་། ང་རང་བགད་མྱོང་།
བགད་ནས་འཚོ་བའི་གནས་མལ་བཙལ་ན་བདེ་སྐྱིད་འཚོ་བའི་གཞིས་ཀ་རྙེད་ཡོང་།
ང་ཡི་ཚེ་སྲོག ང་ཡི་ལས་དབང་། ང་ཡི་ནང་མི། ང་ཡི་སྤུན་ཟླ།
No comments:
Post a Comment