ནོར་བུ་བསམ་གྲུབ་ཀྱི་གླུ་གཞས་གསར་པ། ༼ སྒྲོན་མེ། ༽ 罗布桑珠新单- 《烛光》
ཚིག ནོར་བུ་བསམ་གྲུབ། གདངས། ནོར་བུ་བསམ་གྲུབ།
ལེན་མཁན། ནོར་བུ་བསམ་གྲུབ།
Tibetan singer Norbu Samdup new song 2017
སྒྲོན་མེ།
ཚིག ནོར་བུ་བསམ་གྲུབ། གདངས། ནོར་བུ་བསམ་གྲུབ།
ལེན་མཁན། ནོར་བུ་བསམ་གྲུབ།
གླུ་འདི་གནམ་འོག་དགེ་བའི་བཤེས་གཉེན་ཡོངས་ལ་འཕུལ།
མུན་ནག་དཀྱིལ་ནས་ཁྱེད་དང་འཕྲད།
ཤེས་རབ་ཀྱི་སྒྲོན་མེས་ང་ལ་འོད་སྣང་སྦྱིན།
ཕ་མ་འདྲ་བའི་བྱམས་སྐྱོང་དང་།
བརྩི་བཀུར་ཡོད་ཚད་ང་ཚོར་བཅངས།
དགེ་བའི་བཤེས་གཉེན་ཁྱེད་ཀྱི་ཕྱོགས་སུ་གླུ་དེ་ལེན།
སྨག་རུམ་གཏིང་ནས་ཁྱེད་ཀྱིས་འཐེན།
མི་ཚེ་ཡི་མདུན་ལམ་དེ་ལ་འོད་སྣང་སྦྱིན།
ལང་ཚོ་དར་བའི་ཕྲུ་གུ་ལ།
ལམ་ནོར་ཐེབས་པའི་སེམས་ཁྲལ་གྱི་ཁེངས།
དགེ་བའི་བཤེས་གཉེན་ཁྱེད་ཀྱི་ཕྱོགས་སུ་གླུ་དེ་ལེན།
བཀའ་དྲིན་ཆེ་བྱུང༏ ང་ཡི་རྒན་ལགས་རྣམས།
བྱམས་སྐྱོང་དེ་བུ་ངའི་སེམས་ནང་དྲོ།
དུས་ནམ་ཡང་ཁྱེད་ཀྱི་བཀའ་དྲིན་བརྗེད་མི་སྲིད།
དགེ་བའི་བཤེས་གཉེན་སྐུ་ཚེ་ཡུན་རིང་སྨོན།
གཞས་ཚིག་སྒྲིག་བཟོ། འཕྱོངས་རྒྱས་བསོད་དབང་།
ད་ཆ་མི་ཚེའི་ལམ་བུའི་སྟེང་།
བུ་ང་ཡི་གཤོག་རྩལ་ངོམ་ནས་ནམ་འཕངས་བཅད།
སྐུ་ལུས་འཚིག་པའི་སྒྲོན་མེ་ལགས།
ཁྱེད་ཀྱི་བཀའ་སློབ་སེམས་གཏིང་ངེས།
ང་ཡི་བཤེས་གཉེན་ཁྱེད་ཀྱི་ཕྱོགས་སུ་གླུ་དེ་ལེན།
རང་སྲོག་བསྲེག་ནས་གཞན་ལ་མུན་ནག་སེལ།
རླབས་ཆེན་གྱི་དགེ་བའི་བཤེས་གཉེན་རྣམས།
ཁྱེད་ཚོའི་འོད་སྣང་ས་ཕྱོགས་གང་སར་ཁྱབ།
བརྩེ་བའི་བཤེས་གཉེན་སྐུ་ཚེ་ཡུན་རིང་སྨོན།
བཀའ་དྲིན་ཆེ་བྱུང༏ ང་ཡི་རྒན་ལགས་རྣམས།
བྱམས་སྐྱོང་དེ་ཉི་མའི་འོད་ཟེར་འདྲ།
དུས་ནམ་ཡང་ཁྱེད་ཀྱི་བཀའ་དྲིན་བརྗེད་མི་སྲིད།
དགེ་བའི་བཤེས་གཉེན་སྐུ་ཚེ་ཡུན་རིང་སྨོན།
ང་ཡི་དགེ་བའི་བཤེས་གཉེན་སྐུ་ཚེ་ཡུན་རིང་སྨོན།
2 comments:
Where is lyrics of this song. Can you please give me lyrics of this song...
Where is lyrics of this song? Can you please put lyrics.. I need it
Post a Comment