༢༠༢༠ལོའི་ཚེ་རིང་དོན་གྲུབ་ཀྱི་རྐྱང་གཞས་གསར་པ།
才让东珠原创新歌歌曲《吉人天相》2020
གཡང་གི་ཁ་འཛིན།
ཚིག གངས་རྒྱུད་ཐུབ་བསྟན་བཀྲ་ཤིས། དབྱངས། ཚེ་རིང་དོན་གྲུབ།
ལེན་མཁན། ཚེ་རིང་དོན་གྲུབ།
ལྷ་ཡི་ལྕམ་མོའི་རི་ལ་འབྲི་བརྒྱ་འཁོར།།
འབྲི་བརྒྱ་ལྷས་ལ་འཛོམས་པའི་སྨན་ཆུང་ཡག།
སྨན་ཆུང་ངག་གི་འབྲི་མོའི་བཞོ་དབྱངས་སྙན།
ཤུག་དམར་བཞོ་ཟེའུ་དུང་གི་འོ་མས་གང༏།
ལྷ་ཡི་ལྕ་མོའི་རི་ལ་འབྲི་བརྒྱ་འཁོར།།
བེའུ་བརྒྱ་རྡང་ལ་འདོགས་པའི་སྨན་ཆུང་སྐྱིད།།
སྨན་ཆུང་སྦྲ་ནག་ནང་གི་གཡང་འཛིན་མ།།
གཡང་ཁྱིམ་སྨུག་པོ་དཀར་གསུམ་བཅུད་ཀྱིས་ཕྱུག།
བུ་མོ་གཡང་གི་རུ་མ།།
གཡང་འབྲི་དཀར་མོའི་བདག་པོ།།
གཡང་ལ་གཡང་ར་ཡག་པོ།།
རོག་རོག་ནོར་གྱིས་གང་སོང༏།
གཡང་འཛིན་ན་ཆུང་བུ་མོ།།
ལྷ་ཡི་ལྕམ་མོའི་མདོ་ལ་རྟ་བརྒྱ་འཁོར།།
རྟ་བརྒྱ་སྤང་ལ་འཁོར་བའི་སྟག་ཤར་སྐྱིད།།
བང་ཁ་རྩལ་གྱིས་གང་བའི་དགའ་བ་ལ།།
འཚེར་སྐད་རི་ལ་ཁྱབ་དུས་སྐྱིད་པ་ལ།།
ལྷ་ཡི་ལྕམ་མོའི་མདོ་ལ་རྟ་བརྒྱ་འཁོར།།
རྟ་བརྒྱ་སྤང་ལ་འཁོར་བའི་སྟག་ཤར་སྐྱིད།།
ཀི་བསྭོའི་རང་སྒྲ་སྒྲོག་པའི་རྟེན་འབྲེལ་ཡག།
སྐུ་བསོད་ཀླུང་རྟ་དར་བའི་དཔུང་རྒྱན་རེད།
སྟག་ཤར་རྟ་བརྒྱའི་ཁ་འཛིན།།
གྱོ་རྒྱ་གཡུ་ལོའི་བདག་པོ།།
གཡང་ལ་གཡང་ར་གྲུ་བཞི།།
ཁམ་པ་རྟ་ཡིས་གང་སོང༏།
སྟག་ཤར་ཚེ་རིང་ལོ་བརྒྱ།།
No comments:
Post a Comment